Mateus 15:7 - Amenan pe paapaya uyetato'kon

⁷ Seru'ye'kon teesenku'tîsanon tîîwarîrî'nîkon. Apî'nîkon penaro' Paapa maimu ekareme'nen profeta Isaías nurî'tî eseurîma'pî yairî.

Mateus 15:7 ပူးပေါင်းရင်းမြစ်များ

Mateus 15:6

Moriya mîrîrî warantî taaya'nîkon ya, ayunkon yapurîya'nîkon pepîn mîrîrî. Mîrîrî warantî Paapa maimu yu'se pra awanîkon esera'ma mîrîrî, ayeserukon neken yawîrî ikupîkonpa.

Mateus 15:8

“Morî pe eseurîmakoi'kon insanan pemonkonyamî' upî'” taa Paapaya. “Tîîse to' yewan wanî aminke upî'” taiya.

Mateus 7:5

Amîrî'nîkon seru'ye'kon teesenku'tîsanon aawarîrî'nîkon. E'mai' pe ayeserukon era'matî, ikonekatî morî pe. Mîrîrî ayeseru tîkonekai ayonpa yeseru konekai attîpa.

Marcos 7:6

Jesusya ta'pî: —Yairî pu'kuru Paapa maimu ekareme'nen Isaías nurî'tî eseurîma'pî apî'nîkon pena. Paapa yapurînen pe pra si'ma Paapa yapurînenan patakaya'nîkon eserîke pra naatîi seru' pe. Sîrîrî Isaías nurî'tî maimu rî'pî inmenuka'pî: “Morî pe eseurîmakoi'kon insanan pemonkonyamî' upî'”, taa Paapaya. “Tîîse aminke to' yewan wanî mîrîrî.