Marcos 9:26 - Amenan pe paapaya uyetato'kon

²⁶ O'ma' entaimepîtî'pî. Warayo' yenunpîtî'pîiya non pona. Mîrîrî tîpo eepa'ka'pî. Isa'manta'pî warantî warayo' esenunsa' wanî'pî. —A'kî. Aasa'mantasa' man —ta'pî tiaronkonya.

Marcos 9:26 ပူးပေါင်းရင်းမြစ်များ

Mateus 15:22

Miarî wîri' wanî'pî Cananeu pon, Judeupa' pepîn. Jesus erepansa' tanne, mîîkîrî iipî'pî iipia. Moropai ta'pîiya tîwentaimepîtî ye'ka pe: —Uyepotorî, amîrî wanî Davi nurî'tî paarî'pî pe. Pîika'tîton amîrî. A'noko'pî pe sa'ne uyera'makî. O'ma' ewonsa' man unre wîri' ya'. Mîîkîrîya tone' ikupî pî' man —ta'pîiya.

Marcos 1:26

O'ma'ya warayo' perenperenma'pî. Aronne panpî' tîwentaimepîtî ye'ka pe, eepa'ka'pî mîîkîrî yapai.

Marcos 9:18

O'non pata tîîse eporî tîuya ya, non pona yenumîiya, o'ma'ya. Moropai inta arakkunta. Moropai tee ye'kaiya. Moropai aapîta non po si'ma. Anenupa'san pî' esatî pî' wai o'ma' tîrîkato'pe to'ya teuren, tîîse î' kupî to'ya yentai awanî.

Marcos 9:20

Mîîkîrî more enepî'pî to'ya iipia. Jesus era'ma tîuya pe, o'ma'ya more yenumî'pî non pona. Awe'perenperenma'pî non pona. Inta arakkunta'pî.

Marcos 9:25

Tîîpia tamî'nawîronkon emurukuntî era'ma'pî Jesusya. Mîrîrî ye'nen ka'ne' pe o'ma' pî' ta'pîiya: —Amîrî imaimu pra anna ku'nen, pana'tî' anna ku'nen. Epa'kakî mîserî yapai. Atîkî. Inî'rî kaiipîi mîserî pia —ta'pî Jesusya.

Marcos 9:27

Tîîse Jesusya i'mî'sa'ka'pî itenya pî' tapi'se. Awe'mî'sa'ka'pî.

Apocalipse 12:12

Mîrîrî ye'nen taatausinpai e'tî, innape Paapa yapurînenan, tamî'nawîronkon ka' po to' wanî manni'kan. Tîîse non ponkon, amîrî'nîkon atausinpa pepîn. Maasa pra awe'taruma'tîkon pe naatîi, moropai tamî'nawîronkon tuna kawonkon nîrî. Maasa pra Makui erepansa' man amîrî'nîkon kore'ta. Mîîkîrî ekore'masa' man mararî pra, maasa pra mararî neken non po tîîko'manto' epu'tî tîuya ye'nen.