Marcos 11:9 - Amenan pe paapaya uyetato'kon

⁹ Tiaronkon wîtî'pî irawîrî moropai tiaronkon ite'ma'pî pî'. —Morî pe pu'kuru Paapa man —ta'pî to'ya mararî pra tîwentaimepî'se. —Morî pe pu'kuru man taapai'nîkon Paapa narima'pî pî', Jesus pî'. Mîîkîrî yapurîpai'nîkon —ta'pî to'ya.

Marcos 11:9 ပူးပေါင်းရင်းမြစ်များ

Mateus 21:9

Yarakkîrî tuutîsanon entaimepîtî'pî irawîrî si'ma, moropai ite'ma'pî pî' si'ma mararî pra: —Yapurîpai'nîkon man Davi parî'pî pe tîwe'sen. Morî pe pu'kuru man, aaipî'pî manni' Uyepotorîkon maimu pe —ta'pî to'ya tîwentaimepî'se. —Paapa ka' pon manni' yapurîpai'nîkon man —taa pî' to' ko'mamî'pî. Sl 118.26

Mateus 23:39

Tauya sîrîrî apî'nîkon. Sîrîrî patapai inî'rî uyera'maya'nîkon pe pra naatîi. Uyapurîto'ya'nîkon weiyu erepamî pîkîrî aako'mamîkon. Mîrîrî yai neken, taaya'nîkon “Mîîkîrî morî Uyepotorîkon ese' pî' tui'sen yapurîpai'nîkon”, Sl 118.26 taaya'nîkon kupî sîrîrî —ta'pî Jesusya.

Marcos 11:8

Arinîkonya tîponkon tîrî'pî e'ma tapî'. Tiaronkonya tîna'tî'pîkon yu' yare tîrî'pî nîrî. ˻Mîrîrî kupî'pî to'ya itekîn wîtîto'pe iporo, Jesus yapurî tîuya'nîkon ye'nen.˼

João 12:13

Yu' yare maripa ye' warainon yarî'pî to'ya. Aaipî era'ma tîuya'nîkon pe to' entaimepîtî pia'tî'pî. —Morî pe man —taa pia'tî'pî to'ya. —Morî mîserî, yepuru wanî, Paapa uyepotorîkon naipontî'pî, Israel ponkon yepotorî pe, Sl 118.25,26 —taapîtî'pî to'ya.

João 19:15

Moropai to' entaimepîtî'pî. —Iwî me'pokî, iwî me'pokî pakî'nan pona —taapîtî'pî to'ya. —Ayesa'kon wîî me'pouya yu'se naatî? —ta'pî Pilatosya. —Itesa' pînon anna —ta'pî to'ya. —César neken anna esa' —ta'pî teepîremasanon esanonya.