Lucas 18:20 - Amenan pe paapaya uyetato'kon

²⁰ Moropai Jesusya yuuku'pî. Ta'pîiya: —Paapa nekaremekî'pî unkupîkon ton epu'nen amîrî. Se' tapairî wîri'sanyamî' yarakkîrî tîwe'se pra, moropai pemonkon kî'wîi. Moropai ama'ye' pe tiaronkon kîsama'runpai moropai seru'ye' pe teeseurîmai pra e'kî. Moropai ayun, asan maimu yawîrî e'kî Êx 20.12-16; Dt 5.16-20 —ta'pîiya.

Lucas 18:20 ပူးပေါင်းရင်းမြစ်များ

Lucas 18:19

Jesusya ta'pî ipî': —Î' wani' awanî ye'nen “Morî amîrî”, taaya mîrîrî upî'? Tiwinan morî moro man, mîîkîrî Paapa, tiaron ton pra man. Mîîkîrî neken morî —ta'pîiya.

Lucas 18:21

Moropai mîîkîrî warayo'ya ta'pî: —More pe wanî'pî patapai sîrîrî tîpose mîrîrî ku'nen uurî tamî'nawîrî —ta'pîiya.

Romanos 13:9

Paapa maimuya taasa' see warantî: —Tiaron no'pî yarakkîrî tîwe'se pra moropai pemonkon kî'wîi. Ama'ye' pe tîwe'se pra tiaron yemanne yu'se pra Êx 20. 13-15,17; Dt 5.17-19,21 —taasai'ya man. Tamî'nawîrî mîrîrîkon wanî Paapa maimuya taato'pe. Moropai ta'pîiya: —Tiaronkon sa'namatî, aawarîrî awe'sa'nama manni' warantî Lv 19.18 —ta'pîiya.

Romanos 3:20

Mîrîrî ye'nen anî' wanî pepîn morî pe Paapa rawîrî, Moisés nurî'tîya yenupanto' yawîrî tîwanî wenai. Tîîse mîrîrîya imakui'pî pe e'nîto' epu'tî emapu'tî.

Efésios 6:2

Pena Paapaya tîmaimu ekaremekî'pî unkupîkon pe: —Ayunkon asankon namatî —ta'pî Paapaya. —Mîrîrî warantî aako'mamîkon ya, morî pe aako'mamîkonpa akupîuya'nîkon moropai kusan pe aako'manto'kon wanî sîrîrî non po Dt 5.16 —ta'pîiya. Mîrîrî wanî ipîkku pe unkupîkon pe, maasa pra Paapaya ta'pî e'mai' pe mîrîrî yawîrî e'nî ya, morî tîrîiya, taasa' tîuya yawîrî.

Colossenses 3:20

Tarîpai moreyamî' panamauya sîrîrî Cristo pemonkono pe si'ma ankupîkon ton pî'. Ayunkon moropai asankon maimu yawîrî iku'tî. Î' taasa' to'ya ya, to' maimu yawîrî iku'tî. Maasa pra mîrîrî warantî ikupîya'nîkon ya, Paapa ka' pon wakîri pe awanî.