Lucas 1:49 - Amenan pe paapaya uyetato'kon

⁴⁹ Mîrîrî warantî taa to'ya maasa pra mîîkîrî meruntî Paapaya kure'ne î' ku'sa' uurî ton pe. Mîîkîrî Paapa wanî morî pe pu'kuru imakui'pî ton pra, tamî'nawîronkon yentai. Maasa pra itese' taato' wanî teken morî.

Lucas 1:49 ပူးပေါင်းရင်းမြစ်များ

Marcos 5:13

—Atîtî, moriya —ta'pî Jesusya. O'ma'kon epa'ka'pî mîîkîrî warayo' yapai moropai porcoyamî' ya' to' ewomî'pî. Moropai porcoyamî' eka'tumî'pî ikîrî poi tuna kata. Moropai to' e'soroka'pî tuna ka' moropai to' anarî'pî. Arinîke to' wanî'pî, 2.000 kaisarî.

Lucas 1:48

Maasa pra uurî sa'ne tîpoitîrîpa' pî' awenpenatasa' ye'nen. Tarîpai sîrîrî patapai tamî'nawîronkon pemonkonyamî'ya taa upî': “Mîîkîrî Maria yapurî'pî Paapaya” taa to'ya.

Lucas 1:50

Mîîkîrî Paapa wanî tamî'nawîronkon pemonkonyamî' i'noko'manen pe, manni'kan innape tînamanenan i'noko'maiya. Moropai manni'kan penaronkon tamokon moropai to' payanî'san nîrî i'noko'maiya.

Efésios 3:20

Moropai kure'ne taatausinpai Paapa yapurîuya. Imeruntîri uurî'nîkon, inmo'ka'san pia intîrî'pî wenai, moropai Jesus Cristo nîkupî'pî wenai yapurîpai'nîkon man. Mîîkîrîya unesatî'pîkon yentai itîrîiya epu'tîuya. Moropai î' kai'ma esatî pî' esenumenka'nî'pî yentai itîrîiya.

Apocalipse 15:4

Anî' anamanen pepîn ton pra man, Paapa. Tîîse tamî'nawîronkonya anama ipîkku pe pu'kuru awanî ye'nen. Mîrîrî ye'nen tamî'nawîronkon wanî ipîkku pe awe'to' anekareme'pai ipîkku pe pu'kuru awanî epu'tî tîuya'nîkon ye'nen. Maasa pra morî pu'kuru, imakui'pî ton pîn amîrî neken tamî'nawîronkon yentainon, Paapa. Mîrîrî ye'nen tamî'nawîronkon pata ponkonya ayapurî yairon pe pu'kuru awanî epu'tî tîuya'nîkon ye'nen. Yairon pe pu'kuru ayeseru wanî era'ma tamî'nawîronkonya, Paapa kai'ma to' eserenka'pî.

Apocalipse 4:8

Tamî'nawîrî tiwin pî' insamoro tîîse to' yapî'sa'kon wanî'pî to' kaisarî eseuwarapo'ne tiwin mia' pona tîîmo'tai'ne. Mîrîrî pî' yenu ton wanî'pî tamî'nawîrî taretî'kai iporo moropai itu'na pî'. Moropai inkamoro eserenka ko'mannîpî'pî wei kaisarî moropai ewaron kaisarî. To' eserenkato' atî'napamî pepîn. Tîîse taa pî' to' ko'mamî see warantî: —Anna Yepotorî Paapa, tiwinan amîrî, tiaron awarainon ton pîn. Morî pu'kuru amîrî, imakui'pî ton pîn. Meruntî tamî'nawîron yentainon amîrî. Pena esi'pî amîrî, moropai sîrîrîpe tîîko'mansen amîrî, moropai ipatîkarî aako'mamî kupî sîrîrî, Paapa —taapîtî'pî to'ya.