João 6:35 - Amenan pe paapaya uyetato'kon

³⁵ Ta'pî Jesusya to' pî': —Uurî mîîkîrî, manni' ayukon ton, ipatîkarî aako'manto'kon tîînen. Paapa anepu'painon iipî ya uupia, epu'tîiya. Moropai innape ukupîtîpon ena morî pe, itu'se tîwe'to' pîkîrî.

João 6:35 ပူးပေါင်းရင်းမြစ်များ

Mateus 11:28

Moropai ta'pîiya to' pî': —Asi'tî uupia tamî'nawîronkon amîrî'nîkon apî'kapî'san. Amîi'ne pe imakui'pî wanî ye'nen aapî'ka'sa'kon. Eturumakatî uupia moropai ipata'pî ya' eerî'ka'to'kon ton tîrîuya.

Lucas 6:25

—“Ekenne” taaya'nîkon pe naatîi, amîrî'nîkon awore tîwe'sanon. Maasa pra emi'ne awanîkon kupî sîrîrî. “Ekenne” taaya'nîkon pe naatîi, amîrî'nîkon tîsi'rîsanon. Maasa pra akaraukon kupî sîrîrî teesewankono'mai.

João 4:15

Wîri'ya ta'pî ipî': —Uyepuru, mîrîrî ye'ka tuna ke uwo'pakî, inî'rî tuna aninnîpai ena namai, inî'rî tuna era'mai uuipî namai tarîwaya —ta'pîiya.

João 5:40

Tîîse upî' enen aako'manto'kon ton esatîya'nîkon pepîn.

João 6:37

Tîîse Paapa nîtîrî'san pemonkonyamî' iipî uupia tamî'nawîrî. Moropai uupia tui'sen yaipontîuya pepîn uupiapai.

João 6:41

Tîîse ipî' Judeuyamî' atako'menka'pî, —Uurî ayukon pe ka' poi iipî'pî —taiya ye'nen.

João 6:65

Ta'pîiya to' pî': —Mîrîrî warantî awanî ye'nen anî' iipî pepîn uupia Paapaya enepî pra awanî ya, tauya ne'tîkini.

Apocalipse 22:17

Mîrîrî pî' Morî Yekaton Wannîya moropai Carneiro yawasirîya taa: —Asi'kî see! Moropai manni'kan etanenanya nîrî taa: —Asi'kî see! Manni' tuna aninnîpainon wanî ya, asi'kî. Moropai anî' wanî ya tuna epe'mîn aninnîpai, enî'tane'kî mîrîrî tuna ipatîkarî enen ko'mannîto' tîînen.

Apocalipse 7:16

Mîrîrî ye'nen inkamoroya inî'rî emi'nan epu'tî pepîn. Moropai inî'rî tuna aninnîpai to' wanî pepîn. Moropai inî'rî a'ne' pe wei epu'tî to'ya pepîn. Weiya to' yeki'ka pepîn inî'rî.