Hebreus 2:6 - Amenan pe paapaya uyetato'kon

⁶ Tîîse Paapa maimu e'menukasa' po ta'pî tiaronya: Paapa, anî'kan pemonkonyamî', to' pî' eesenumenkapa ipîkku pe? Î' ton pe morî pe to' munkîyamî' pî' awanî, inkamoro pîika'tîya?

Hebreus 2:6 ပူးပေါင်းရင်းမြစ်များ

Lucas 1:68

—Uyepotorîkon Paapa yapurîpai'nîkon maasa pra tîpemonkonoyamî' Judeuyamî' ko'mannîpî'pîiya. Moropai mîîkîrîya to' pîika'tî'pî, to' e'taruma'tîto' yapai to' mo'ka'pîiya.

Lucas 1:78

Maasa pra Paapa wanî Uyepotorîkon pe pu'kuru uurî'nîkon i'noko'manen pe. Erenmapî ya, wei epa'ka warantî, mîîkîrîya upîika'tînenkon ton yarima pe man uupia'nîkon.

Lucas 7:16

Mîrîrî era'ma tîuya'nîkon pî' tamî'nawîronkon pemonkonyamî' esenumenka'pî mararî pra Jesus namai'ma. Moropai inkamoroya Paapa yapurî'pî. Ta'pî to'ya: —Mîserî see kure'nan Paapa maimu ekareme'nen uurî'nîkon kore'ta aai'sa' sîrîrî. Paapa ii'sa' man tîpemonkonoyamî' pîika'tîi —ta'pî to'ya.

1 Tessalonicenses 4:6

Mîrîrî warantî ayonpakon winîkîi imakui'pî kupîya'nîkon yu'se pra Paapa wanî, to' no'pîtonon yarakkîrî tîwe'se pra. Mîrîrî ta'pîuya pena apî'nîkon inî'rî tauya sîrîrî. Mîrîrî ye'ka ku'nenan taruma'tî Uyepotorîkonya pe man.

Hebreus 4:4

Mîrîrî epu'tî'nîkon maasa pra Paapa maimu e'menukasa' po tiaron pata awe'menukasa' man. Teeseurîmasen asakî'ne mia' pona'no wei pî'. Asakî'ne mia' pona'no wei yai Paapa erî'kapî'pî tamî'nawîron teesenyaka'mato' konekasa' tîuya tîpo Gn 2.2 kai'ma awe'menukasa' wanî'pî.

Hebreus 5:6

Moropai inî'rî tîmaimu e'menukasa' po tiaron pata ya': Teepîremasen pe awanî ipatîkaron pe, imo'kauya pata pe pra. Manni' teepîremasen Melquisedeque wanî'pî warantî awanî Sl 110.4 ta'pîiya.