Atos 2:34 - Amenan pe paapaya uyetato'kon

^34-35 Davi eseurîmasa' pra man tîpî' maasa pra mîîkîrî enu'sa' pra man ka' pona tesa' yarakkîrî. Tîîse eeseurîma'pî Cristo enuku'pî pî'. Ta'pîiya see warantî: “Paapaya ta'pî Uyepotorî pî': ‘Umeruntîri winîkîi ereutakî maasa ayeyatonon yentai akupîuya pîkîrî,’ ta'pîiya” Sl 110.1 ta'pî Davi nurî'tîya.

Atos 2:34 ပူးပေါင်းရင်းမြစ်များ

Marcos 12:36

—Cristo pî' Davi nurî'tî eseurîma'pî pena. Morî Yekaton Wannîya eeseurîma emapu'tî'pî. Sîrîrî Davi nurî'tî maimu rî'pî: Uyesa' pî' Paapaya ta'pî: “Uupia ereutakî meruntî winî ayeyatonon aretî'kauya pîkîrî” ta'pîiya. Sl 110.1 Sîrîrî Davi maimu rî'pî.

João 3:13

Anî' enu'sa' pra man sîrîrî tîpose Paapa pata'se' ya'. Tîîse uurî, pemonkon pe esenpo'pî uurî autî'pî ka' poi.

1 Coríntios 15:25

Maasa pra tamî'nawîronkon esa' pe Cristo ko'mamî e'pai awanî, tamî'nawîronkon iteyatonon yaretî'ka Paapaya pîkîrî.

Efésios 1:22

Paapaya tamî'nawîron kupî'pî Cristo ma're awe'to'pe, moropai Cristo maimu yawîrî to' ko'manto'pe. Maasa pra Cristo neken tîrî'pîiya tînmenka'san ton pe, inkamoro tîpemonkonoyamî' tamî'nawîronkon yepotorî pe awe'to'pe.

Hebreus 1:13

Moropai Paapaya taasa' pra man inserîyamî' pî': Ereutakî umeruntîri winîkîi ayeyatonon kupîuya pîkîrî ama're Sl 110.1 taasai'ya pra man inserîyamî' pî' tîîse tînmu pî' neken ta'pîiya.