Apocalipse 7:16 - Amenan pe paapaya uyetato'kon

¹⁶ Mîrîrî ye'nen inkamoroya inî'rî emi'nan epu'tî pepîn. Moropai inî'rî tuna aninnîpai to' wanî pepîn. Moropai inî'rî a'ne' pe wei epu'tî to'ya pepîn. Weiya to' yeki'ka pepîn inî'rî.

Apocalipse 7:16 ပူးပေါင်းရင်းမြစ်များ

Mateus 13:21

Tîîse inkamoroya sa'me pu'kuru yapisî pepîn tewankon ya'. Tîîse Paapa maimu yapi'sa' to'ya wenai tiaronkonya tîmu'tunpakon ya, irumaka to'ya ka'ne' pe. Maasa pra ikara ton pra, yei wanî manni' warantî tî' parappa po to' apîtato' ton pra awanî. Mîrîrî wenai itekare etato' tîuya'nîkon rumaka to'ya.

Mateus 13:6

Mîrîrî inpîmî'pî yonpa aro'ta'pî tîîse a'ne' pe pu'kuru wei a'na'pî. Mîrîrîya ya'pi'tanîpî'pî maasa pra kure'nan ikara wîtîto' ton pra awanî ye'nen.

Mateus 5:6

Morî pe pu'kuru mannankan wanî kure'ne Paapa yeseru anku'pai tîwe'sanon. Inkamoro wanî mannankan emi'ne tîwe'sanon moropai tuna aninnîpai tîwe'sanon warantî. Maasa pra kure'ne yairî e'pai to' wanî ye'nen. Morî pe to' wanî maasa pra inkamoro pia Paapaya teseru ku'to'pe to'ya itîrî to' pia.

Marcos 4:17

Tîîse sa'me yapisî to'ya pra awanî tewankon ya'. Mîrîrî ye'nen mararî rî to' ko'mamî mîrîrî. Itekare wenai to' e'taruma'tîsa' ya, ka'ne' pe irumaka to'ya. Tiaronkonya to' taruma'tîsa' ya, itekare rumaka to'ya.

Marcos 4:6

Tîîse wei a'nasa' pe awa'pi'ta'pî. Kure'ne ikara wîtîto' ton pra awanî'pî. Mîrîrî ye'nen awa'pi'ta'pî.

Lucas 1:53

Moropai ita're' pînon sa'ne ya're' ton tîrî'pîiya emi'ne to' wanî namai. Tîîse ipîkku pe tîwe'sanon pia î' tîrîiya pepîn.

Lucas 6:21

Morî pe awanî amîrî'nîkon emi'nankon ton pe, maasa pra awore awanîkon kupî sîrîrî. Morî pe awanî amîrî'nîkon tîkauware eesewankono'mato'kon pî'. Maasa pra kure'ne asisikon kupî sîrîrî taatausinpai.

João 4:14

Tîîse untîrî tuna enîrî anî'rîya ya, mîîkîrî ko'mamî ipatîkarî tuna aninnîpai teenai pra. Untîrî ko'mamî itekaton ya' moropai ipatîkarî aako'manto' ton tîrîiya.

Apocalipse 21:4

Mîîkîrî Paapaya to' karawato' ya'mananîpî to' yenu parukon inî' to' karau namai. Tarî anî' sa'manta pepîn. Anî' esewankono'ma pepîn. Anî' karau pepîn inî'rî. Anî'rî ne'ne' moronka pepîn. Maasa pra pena î' kai'ma ko'mannîto', mîrîrî esuwa'ka'pî ye'nen —ta'pîiya.