Apocalipse 18:19 - Amenan pe paapaya uyetato'kon

¹⁹ Moropai inkamoroya kutupan yenunpîtî'pî tîpu'paikon pona teesewankono'makon ye'nen. Inkamoro entaimepîtî'pî mararî pra moropai to' karawa'pî. —Ane, ekenne amîrî kure'nan cidade o'non pata ipîkku pe pu'kuru anna ena pata'se'. Anna ena'pî ipîkku pe apo'yen esa' pe, tamî'nawîrî kure'nan tuna po. Teuren tîîse tiwin hora wanî tanne, aataretî'kasa' man tamî'nawîrî. Inî'rî eesera'ma pepîn —taapîtî'pî to'ya.

Apocalipse 18:19 ပူးပေါင်းရင်းမြစ်များ

Apocalipse 17:16

Moropai o'ma' retî anera'ma'pî moropai o'ma'ya mîîkîrî se' tapairon wîri' pokonoma pe man. Tamî'nawîrî itesa' awe'to' mo'ka to'ya kupî sîrîrî. Moropai î' ton pra inîmîkî to'ya ipon pra. Moropai yanî to'ya, apo' ke itîpannîpî to'ya pe man.

Apocalipse 18:10

Inkamoro ko'mamî pe man aminke iipiapai, maasa pra mîîkîrî e'taruma'tîto' nama tîuya'nîkon ye'nen. Moropai taa to'ya: —Ane! Ekenne, amîrî wanî ipîkku pe pu'kuru. Meruntî ke tîwe'sen pe Babilônia cidaderî wanî teuren. Tîîse tiwin hora kaisarî ataruma'tîto' ton erepansa' sîrîrî tiwinarî —taa to'ya.

Apocalipse 18:3

Maasa pra mîîkîrîya tamî'nawîronkon pemonkonyamî' wo'papîtî'pî, tîîpia tîwe'sen tenî'sen ke. Moropai tamî'nawîronkon ipîkkukon pata esanon, reiyamî'ya imakui'pî kupî'pî yarakkîrî. Se' tapairî wîri'sanyamî' yarakkîrî to' wanî'pî. Moropai manni'kan warayo'kon yemanne ke'kon tîwe'repasanon ena'pî ipîkku pe, maasa pra tu'kankon wanî'pî imakui'pî iteseru yu'se —ta'pîiya.

Apocalipse 18:8

Mîrîrî ye'nen tiwin wei tîîse kure'nan pata ponkon e'taruma'tîto' erepamî pe man. Moropai kure'nan iwan erepamî, moropai esewankono'manto' erepamî, moropai sa'mantanto' erepamî, inîmîkîiya pra tîîse. Moropai mîîkîrî yarannîpî apo'ya pe man. Maasa pra mîîkîrî yenumî Uyepotorîkon Paapaya, meruntî ke pu'kuru tîwanî ye'nen ta'pî mai ka' poinonya.