Apocalipse 18:11 - Amenan pe paapaya uyetato'kon

¹¹ Moropai ipîkkukon yemanne ke'kon sîrîrî pata ponkon nîrî entaimepîtî pe man. To' esewankono'ma mîrîrî wenai. Maasa pra inî'rî anî'ya to' yemanne, to' e'repato', yenna eserîke pra awanî ye'nen.

Apocalipse 18:11 ပူးပေါင်းရင်းမြစ်များ

Mateus 22:5

—Tîîse innape nai, taa to'ya pra ineta'san wanî'pî. Mîrîrî ye'nen puwana pî' tîwe'to'kon pî' to' wîtî'pî. Tiaron wîtî'pî tekînon pata'se' ya' to' era'mapî'se. Moropai tiaron wîtî'pî temanne yewî' pe tînkoneka'pî ya' ekaya pra.

João 2:16

Waku'kaimîyamî' ke tîwe'repasanon pî' ta'pîiya: —Ayekînkon yaatî tarîpai. Uyun yewî' kî'ku'tî awe'repato'kon yewî' pe.

2 Pedro 2:3

Kure'ne tîniru yu'se tîwanîkon wenai inkamoro seru'ye' pe yenupatonkonya amîrî'nîkon yenyaka'ma, moropai seru'ye' pe tînepoppîtîkon pî' ayenku'tîkon pî' to' ko'mamî. Tîîse pena pata pai Paapa wanî to' yenumî yu'se. Imakui'pî to' nîkupî ko'mannîpî epu'tîiya mîrîrî. Maasa pra era'ma pî' aako'mamî sîrîrî tîpose, awe'nasa' pra man. To' taruma'tîto' tîuya weiyu erepamî nîmîkî pî' aako'mamî.

Apocalipse 18:15

Moropai inkamoro mîrîrî cidade po si'ma ipîkku pe ena'san, inkamoro ko'mamî pe man aminke mîîkîrî e'taruma'tîto' pî', eranne' pe tîwanîkon ye'nen. Inkamoro entaimepîtî pe man moropai to' esewankono'ma mararî pra ipî'.

Apocalipse 18:20

Tîîse taatausinpai pu'kuru e'tî pemonkonyamî' ka' ponkon, sîrîrî cidade imakui'pî pata'se' ataretî'ka ye'nen. Taatausinpai pu'kuru e'tî, Paapa pemonkonoyamî' inaipontî'san moropai manni'kan imaimu ekareme'nenan profetayamî'. Maasa pra Paapaya mîrîrî cidade ponkon yenunsa' sîrîrî tarîpai, awinîkîi'nîkon inkupî'pî wenai.

Apocalipse 18:23

Moropai a'ka ton pra awanî pe man, a'kuma'tu lamparinha ton pra tiwin kin. Moropai taatausinpai tîwe'marimasanon maimu eseta pepîn kupî sîrîrî, maasa pra tamî'nawîrî ataretî'kasa' man. Maasa pra manni'kan yemanne ke'kon tîwe'repasanon tamî'nawîronkon yentai esi'san, inkamoroya tamî'nawîronkon sîrîrî pata ponkon yenku'tî'pî tetarumukon ke —ta'pî inserîya.

Apocalipse 18:3

Maasa pra mîîkîrîya tamî'nawîronkon pemonkonyamî' wo'papîtî'pî, tîîpia tîwe'sen tenî'sen ke. Moropai tamî'nawîronkon ipîkkukon pata esanon, reiyamî'ya imakui'pî kupî'pî yarakkîrî. Se' tapairî wîri'sanyamî' yarakkîrî to' wanî'pî. Moropai manni'kan warayo'kon yemanne ke'kon tîwe'repasanon ena'pî ipîkku pe, maasa pra tu'kankon wanî'pî imakui'pî iteseru yu'se —ta'pîiya.

Apocalipse 18:9

Moropai inkamoro ipîkkukon pata esanon reiyamî' yarakkîrî imakui'pî kupîtîponkon, moropai iwenai Paapa piapai atarima'san tiaron yapurîkonpa, inkamoro entaimepîtî pe man mararî pra. Moropai to' karau pe man, apo' awittasa'ya mîîkîrî arannîpî'pî era'ma tîuya'nîkon pî'.