Apocalipse 17:18 - Amenan pe paapaya uyetato'kon

¹⁸ Mîîkîrî wîri' anera'ma'pî wanî kure'nan cidade pe. Tamî'nawîronkon pata esanon ipîkkukon reiyamî' esa' pe awanî —ta'pîiya.

Apocalipse 17:18 ပူးပေါင်းရင်းမြစ်များ

Lucas 2:1

Mîrîrî yai reiyamî' esa' tîwe'sen Augustoya tamî'nawîronkonya tese'kon menuka me'po'pî. Maasa pra tamî'nawîronkon tîîko'mansenon anepu'pai awanî'pî mîîto'pe.

Apocalipse 11:8

Moropai inkamoro esa'rî'pî ko'mamî pe man e'ma ta kure'nan cidade po. O'non pata to' yepotorî pokapîtî'pî to'ya manni' cidade po. Mîrîrî cidade esatî to'ya manni' imakui'pî kupî'pî to'ya pata'pî Sodoma moropai Egito warantî, imakui'pî pe awanî ye'nen.

Apocalipse 12:4

Mîîkîrîya taukî ke arakkita pairî yonpa sirikkîyamî' woroka'pî ka' poi. Inkamoro soroka'pîiya non pona. Moropai mîîkîrî emî'pamî'pî wîri' rawîrî î' pensa tînre yenpo wîri'ya ya, yanîpa kai'ma.

Apocalipse 16:19

Mîrîrîya kure'nan cidade rataikapîtî'pî eseurîwî'ne ne kaisarî. Moropai tamî'nawîron pata cidadekon kaisaron yaretî'ka'pî. Mîrîrî yai Paapa enpenata'pî kure'nan Babilônia itese' pî'. Moropai teekore'mato' yense' intapîkîrî tannî'se tîrî'pîiya, mîrîrîya kure'ne to' taruma'tîto'pe kai'ma.

Apocalipse 18:2

Moropai mîîkîrî entaimepîtî'pî meruntî ke pu'kuru. —Kure'nan Babilônia itese' ataretî'ka pe man! Tarîpai Makui poitîrîtonon ko'manto'pe eena pe man. Moropai imakui'pî yekatonyamî' nurakon ko'mamî moro. Tamî'nawîronkon toronyamî' nurakon itarumai'san ko'mamî miarî.