Apocalipse 13:6 - Amenan pe paapaya uyetato'kon

⁶ Mîîkîrî eseurîma pia'tî'pî imakui'pî pe Paapa winîkîi moropai Paapa ese' winîkîi, moropai Paapa pata, o'non pata aako'manto' winîkîi seru'ye' pe eeseurîma pia'tî'pî. Moropai tamî'nawîronkon ka' po tîîko'mansenon winîkîi imakui'pî pe eeseurîma pia'tî'pî.

Apocalipse 13:6 ပူးပေါင်းရင်းမြစ်များ

Mateus 12:34

Amîrî'nîkon wanî imakui'pî pe îkîiyamî' munkîyamî' wanî imakui'pî pe warantî. Tîîse o'non ye'ka pe morî pe eeseurîmakon, imakui'pî pe si'ma? Maasa pra ayewankon tîwe'sen yawîrî eeseurîmakon.

Mateus 15:19

Maasa pra uyewankon ya' tîîko'mansen imakui'pî wenai esenumenkan imakui'pî pe, pemonkon anwîpai e'nî, moropai tiaron no'pî yarakkîrî e'nî, moropai se' tapairî wîri'sanyamî' yarakkîrî e'nî. Moropai ama' pe e'nî, moropai seru'ye' pe e'nî, imakui'pî pe eseurîman tiaronkon winîkîi.

João 1:14

Mîîkîrî Mai esenpo'pî pemonkon pe. Uurî'nîkon kore'ta aako'mamî'pî. Morî pu'kuru iteseru era'ma'pî annaya. Mîrîrî wenai î' kai'ma iyun Paapa yeseru wanî epu'tî'pî annaya. Innape pu'kuru awanî, morî pe pu'kuru mîîkîrî e'to' wanî, tiwinan Paapa munmu yeseru pe.

Romanos 3:13

Inkamoro maimu wanî isa'manta'pî pemonkon esa'rî'pî katasa' warantî. Ikî pe awanî. Seru'ye' pe to' maimu wanî imakui'pî pe. Moropai mîrîrî tîmaimukon ke pemonkon wîî to'ya teeseurîmakon ke. Mîrîrî to' eseurîmato' wanî manni' îkîiya ye'kansa' ya sa'mantan, manni' kaisarî seru'ye' pe yenku'tînto' to'ya wanî. Sl 5.9; 140.3

Colossenses 1:19

Î' kai'ma Paapa wanî yenponen pe awanî, maasa pra Paapa pe pu'kuru awanî mîîto'pe, itu'se Paapa e'to' yawîrî.

Colossenses 2:9

Maasa pra tamî'nawîrî î' kai'ma Paapa wanî manni' warantî Cristo wanî mîrîrî. Awanî Paapa pe tîîse pemonkon pe eena'pî tîpun ke.

Hebreus 9:2

Ekaremekî'pîiya manni' Paapa ko'manto' bodeyamî' pi'pîrî'pî ke ikonekasa' arakkitawon e'mai'non yuwa'to' wanî'pî tamî'nawîronkon ewonto'pe pra tîîse manni'kan teepîremasanon neken ewomî Paapa yapurîi. Mîrîrî morî ta awanî'pî apo', to' kuma'tu, moropai moro rî awanî'pî trigo puusa' to' nîtîrî'pî Paapa tonpe itaponse' po.

Hebreus 9:24

Maasa pra Cristo ewonsa' pra man morî pu'kuru Paapa pata'se' ya pemonkon nîkoneka'pî ya' pra, mîrîrî ka' po tîwe'sen patakasa' ya' pra. Tîîse mîîkîrî ewomî'pî ka' po tîwe'sen ya' pu'kuru. Moropai sîrîrîpe Paapa pia aako'mamî uurî'nîkon tonpe teeseurîma pî', upîika'tîiya'nîkon.

Apocalipse 11:12

Moropai inkamoro asakî'nankon profetayamî'ya mai eta'pî ka' winîpainon. Ta'pî maiya: —Enu'tî tarîwaya —kai'ma mai eseurîma'pî. Moropai teera'makon teyatonkonya tanne, inkamoro profetayamî' enuku'pî katupuru po ka' pona.

Apocalipse 12:12

Mîrîrî ye'nen taatausinpai e'tî, innape Paapa yapurînenan, tamî'nawîronkon ka' po to' wanî manni'kan. Tîîse non ponkon, amîrî'nîkon atausinpa pepîn. Maasa pra awe'taruma'tîkon pe naatîi, moropai tamî'nawîronkon tuna kawonkon nîrî. Maasa pra Makui erepansa' man amîrî'nîkon kore'ta. Mîîkîrî ekore'masa' man mararî pra, maasa pra mararî neken non po tîîko'manto' epu'tî tîuya ye'nen.

Apocalipse 15:5

Mîrîrî pe rî ka' pon epîremanto' yewî' atarakkanmoka'pî. Moropai mîrîrî tawon yuwa'to' tarakkanmokasa' wanî'pî ita Paapa ko'manto' era'ma'pîuya.

Apocalipse 18:20

Tîîse taatausinpai pu'kuru e'tî pemonkonyamî' ka' ponkon, sîrîrî cidade imakui'pî pata'se' ataretî'ka ye'nen. Taatausinpai pu'kuru e'tî, Paapa pemonkonoyamî' inaipontî'san moropai manni'kan imaimu ekareme'nenan profetayamî'. Maasa pra Paapaya mîrîrî cidade ponkon yenunsa' sîrîrî tarîpai, awinîkîi'nîkon inkupî'pî wenai.

Apocalipse 21:3

Moropai mai eta'pîuya meruntî ke pu'kuru. Mîrîrî wanî'pî ereutanto' winîpai tui'sen pe. Moropai ta'pîiya: —Tarîpai Paapa ko'manto' man pemonkonyamî' yarakkîrî. Mîrîrî ye'nen to' pokonpe Paapa ko'mamî. Moropai inkamoro wanî ipemonkono pe. Mîrîrî ye'nen to' yarakkîrî pu'kuru Paapa wanî. Moropai inkamoro yepotorî pe Paapa wanî.

Apocalipse 4:1

Mîrîrî tîpo era'ma'pîuya inî'rî. Mîrîrî yai ka' mana'ta atarakkanmokasa' era'ma'pîuya. Moropai mai eta'pîuya. Mîrîrî wanî'pî meruntî ke, to' waiyi trombeta e'nato' warantî. Pena e'mai' pe uyarakkîrî eseurîma'pî pe manni' wanî'pî. Mîîkîrîya ta'pî upî': —Enu'kî tarîwaya. Moropai apî' ekareme'to'peuya î' awe'kupî ton sîrîrî tîpo —ta'pîiya.

Apocalipse 4:4

Mîrîrî ereutanto' woi tiaronkon ereutanto'kon wanî'pî eseuwarapo 24 kaisarî. Moropai mîrîrî po eseuwarapo 24 kaisarî ipîkkukon ereutasa' wanî'pî. Inkamoro ponkon wanî'pî aimutunkon pe. Moropai inkamoro pu'pai po to' yarakko pe ouro konekasa' wanî'pî.

Apocalipse 5:13

Mîrîrî yai tamî'nawîronkon pemonkonyamî' ka' ponkonya moropai non yo'konkonya moropai tuna kawonkonya. Moropai tamî'nawîronkon pata ponkon eserenka ko'mannîpî eta'pîuya. To' eserenka'pî see warantî: Itaponse' pona eereutasa' manni' moropai mîîkîrî carneiro wanî morî pe pu'kuru, annaya yapurî e'pai awanî. Morî pe tîwe'to' pî', ipîkku pe tîwe'to' pî', moropai meruntî ke pu'kuru tîwe'to' pî' yapurî pî' anna man, tî'napanse pra kai'ma to' eserenka'pî.

Apocalipse 7:15

Mîrîrî ye'nen carneiro yaponse' ereutanto' rawîrî satippe to' wanî mîrîrî. Moropai inkamoroya epîremanto' yewî' ta si'ma yapurî ko'mannîpî'pî wei kaisarî moropai ewaron kaisarî. Mîrîrî ye'nen mîîkîrî taponse' pona eereutasa' manni' ya', to' koneka ko'mannîpî, to' yarakkîrî tîwanî ye'nen.

Apocalipse 7:9

Mîrîrî tîpo arinîkon pemonkonyamî' o'non pata iku'ne'tî yentainokon era'ma'pîuya. Inkamoro wanî'pî tamî'nawîron pata ponkon pe. Tepu'se pra to' wanî'pî si'ta mai wanî'pî. Inkamoro wanî'pî satippe mîrîrî ereutanto' rawîrî moropai carneiro rawîrî to' wanî'pî. Inkamoro epontîsa' wanî'pî aimutun tîponkon ya'. Moropai inkamoro yenya' yu' yare wanî'pî, imakui'pî yentai tîwanîkon ye'nen.