Zefanias 3:4 - Manobo Western Bukidnon OT

⁴ Is menge ebpeneuven diyà te kandan ne menge teruen ne kenà egkeseriǥan. Midremerikan te menge memumuhat dan is baley te Nengazen wey midsupak dan is Kesuǥuan te Megbevayà.

Zefanias 3:4 ပူးပေါင်းရင်းမြစ်များ

Isaias 9:15

Is ulu iyan is ebpemendumala wey menge dungganen he menge etew, ne is ikug iyan is teruen he menge ebpeneuven.

Jeremias 23:32

Kuntada ku is menge ebpeneuven he ebpenudtul te tarù he menge teǥeinep dan, ne midtazin dan is menge etew ku pinaaǥi te kebpenarùtarù dan. Wazè ku sikandan suǥùa te kebpenudtul. Umbe, wazà minsan hengkey he keupiyaanan he igkeveǥey zan diyà te menge etew. Iyan a, is Nengazen, is migkaǥi kayi.

Jeremias 5:31

Is menge ebpeneuven tarù is tagnè dan. Is menge memumuhat kandan he keǥehem is egemiten dan te kedumala zan. Ne nekaangey kayi is menge etew ku. Piru hengkey vuwa is ebeelan dan emun egkeume en is ketepusan he timpu?”

Jeremias 8:10

Umbe, ibeǥey ku ziyà te zuma he menge etew is menge esawa zan wey menge vevesukè dan. Su ǥeina te puun te kinemevevaan pehendiyà te kinetikangan is ked-etew zin, ne ebpenlimbung dan su para mekeselapì. Minsan is menge ebpeneuven wey is menge memumuhat edpenlimbung daan.

Penhulùhulù 2:14

Is menge lalag te ebpemeneuven diyà te keniyu ne kenà tutuu. Wazè din pulus ne ebpeketazin keniyu. Wazè dan ipahayag is menge salè niw he iyan pezem kenè niw igkevihag.

Ezekiel 22:26

Is menge memumuhat dan wazà medtuman te kesuǥuan ku, ne midremerikan dan is segradu he menge azen ku. Imped-iring dan dà is segradu wey kenè segradu, is lumpiyu wey meremerik, ne wazè dan tumana is menge ibpetuman ku emun Andew te Kedhimeley. Umbe nekekaǥi a te pinaaǥi keniyan wazè e zan tehuza.

Ezekiel 22:6

Ahaa nu is menge pengulu te Israel he ed-ubpà diyà te kenikew, migamit dan is gehem dan wey zan mekepenhimatey.

Ezekiel 44:23

Kinahanglan he ebpenuruen dan is menge etew ku ke hengkey is segradu wey ke hengkey is kenà segradu, ke hengkey is lumpiyu wey meremerik.

Hoseas 9:7

“Menge tig-Israel, neume en is timpu te kedsiluti keniyu, kes timpu he ebelesan kew tenged te menge mibeelan niw. Ne egketuenan niw he neume en heini. Ne iyan lalag niw mehitenged kedì is, ‘Tulebung heeyan he ebpeneuven! Engey heeyan is edumelahan te mulin-ulin!’ Iyan heeyan lalag niw mehitenged kedì su ǥeina te zekelè en is salè niw ne egkeepesan a keniyu.

Micas 2:11

Is egkesuatan niw he megwewali iyan sikan is egkaǥi te wazè din pulus, limbungan, wey teruen, he iyan heini idwali zin: ‘Ed-uzaren kew te vinu wey zuma pa he inumen.’ ”

Micas 3:11

Emun edhukum kew ebpeburan niw is ebeǥey te sipsip diyà te keniyu. Ne sikiyu is menge memumuhat, ebpenurù kew su ǥeina te ebeyazan kew. Ne sikiyu zaan is menge ebpeneuven, ebpenagnè kew tenged dà te selapì. Edsarig kew pa he edtevangan kew te Nengazen, su egkaǥi kew te, ‘Zuma zey is Nengazen. Umbe wazà mezaat he egkehitavù kenami.’

Malakias 1:6

Migkaǥi is Nengazen he Mekeǥeǥehem diyà te menge memumuhat, “Is anak, edtahud te amey zin, ne is suluǥuen, edtahud te egalen din. Piru maan is wazà a keniyu tehuza is amey niw wey egalen niw? Mibpesipelahan e pa keniyu. Piru mid-insè kew pa, ‘Mibmenumenu zey sikew te ebpesipala?’

Malakias 2:7

“Kinahanglan he is memumuhat he ebpenurù te hustu he ketau, ne iyan sikandin egkeinsaan te menge etew ke hengkey is hustu he ed-ul-ulahan.

Malakias 2:8

Piru sikiyu is menge memumuhat midsuwayan niw is hustu he zalan ne pinaaǥi te penurù niw mahabet is neseligkat; midsupak niw is kebpekid-uyun ku te kepuun niw he si Levi.

Zatù 9:4

Mibeǥayan dan si Abimelec te 70 he vuuk he pelata he ebpuun diyà te simbahan he zutun ed-ezapa si Baal Berit, ne migamit din haazà he selapì te kedsuhul te menge buguy para medsunud dan kandin.

1 Samuel 2:22

Meǥurang en utew si Eli. Netuenan din is langun he kenà meupiya he ed-ul-ulahan te menge anak din diyà te menge Israilihanen. Wey nezineg din daan he midhilevetan dan is menge vahi he ebpenilbi zutun te ǥemawan te Tulda he Edtelevukaayan.