Zefanias 1:4 - Manobo Western Bukidnon OT

⁴ “Edsilutan ku is menge meǥinged diyà te Juda ragkes en is langun he menge meǥinged diyà te Jerusalem. Edezeetan ku is nengesamà he menge ed-azap te ed-ezapen he si Baal ragkes en is menge memumuhat he ebpenilbi kayi, su wey kenè en sikandan metenuzi.

Zefanias 1:4 ပူးပေါင်းရင်းမြစ်များ

2 Hadì 21:13

Edhukuman ku is Jerusalem iring te kedhukumi ku te Samaria wey te pemilya ni Hadì Ahab. Edlumpiyuwan ku is Jerusalem iring te pinggan he edterepuwan ne ibpelangkeb.

2 Hadì 23:12

Imperundus din daan is menge pemuhatà he mibeelan te menge hadì diyà te Juda ziyà te patag he atep he zivavew te ruǥu ni Ahaz; elin daan imperundus din is menge pemuhatà he mibpeveelan ni Manase ziyà te zezuwa he lama zuen te valey te Nengazen. Impevekbek din heini ne insimburè din diyà te zal-ug te Kidron.

2 Cronica 34:4

Mibpezèdeetan din daan is menge pemuhatà he para te menge ledawan te ed-ezapen he si Baal wey is menge pemuhatà he edtutungan te veyewà diyà te avey kayi. Imperuntek din is menge tukud he simbulu te vahi he ed-ezapen he si Ashera wey is duma he menge ed-ezapen wey menge ledawan, ne insawed din heini ziyà te menge leveng te menge etew he nemuhat kayi he menge ed-ezapen.

Exodus 15:12

Pinaaǥi te ǥehem nu mid-eveleng te tanà is menge kuntada zey.

Jeremias 15:6

Inselikwey a keniyu; layun a keniyu ed-iniyuǥi. Umbe egemiten ku is gehem ku te kedezaat keniyu. Neperahan ad he ebpaahà te hizu ku keniyu.

Jeremias 6:12

Is menge valey zan ibeǥey ziyà te zuma, ragkes en is menge pemuleey zan wey menge esawa zan. Egkehitavù heini emun edsilutan ku en is menge etew he ed-ubpà kayi he tanà. Iyan a, is Nengazen, is migkaǥi kayi.

Ezekiel 25:7

edsilutan ku iyan sikiyu. Ibeǥey ku sikiyu ziyà te zuma he menge nasyun he ed-aǥew te menge azen niw. Ebpurungan ku sikiyu edèdeeti taman te wazè en egkesamà keniyu he egkehimu he nasyun. Ne egketuenan niw he iyan a Nengazen.’ ”

Ezekiel 6:14

Edsilutan ku sikandan minsan hendei zan ed-ubpà, ne egkehimu he mekevulungbulung is tanè dan puun te sibsivayan diyà te zivavà pehendiyà te Dibla ziyà te zizaya, ne zutun egketuenan dan he iyan a Nengazen.”

Hoseas 10:5

“Egkahandek is menge meǥinged diyà te Samaria tenged te kegkaawà te menge ed-ezapen he vehiyan he menge vaka ziyà te Bet Aven. Sikandan wey is menge memumuhat dan he ingkelipey zan is kekempet kayi he menge ed-ezapen, ebpekelalew zan su egkuwaan heini ziyà te kandan

Micas 5:13

Ne kenè kew en ebpekaazap te menge ledawan wey tedeman he menge vatu he mibeelan niw, su edrupeten ku heini,

Zefanias 2:11

Utew sikandan ebpelihendeka te Nengazen su edezeetan din is langun he menge ed-ezapen kayi te kelibutan. Ne ed-azap kandin is menge etew ziyà te kada nasyun diyà te keugelingen dan he lugar.”

Zefanias 2:13

“Edsilutan daan is menge tig-Asiria he ziyà te zizaya. Egkezeetan is Nineve wey egkeiring heini kemaza te disirtu.