Zefanias 1:2 - Manobo Western Bukidnon OT

² Migkaǥi is Nengazen te, “Ebpurungan ku edezeeti is langun he ziyà te tanà–

Zefanias 1:2 ပူးပေါင်းရင်းမြစ်များ

Genesis 6:7

Umbe ke sikandin te, “Edlumpiyuwan ku is kelibutan su edlimasen ku zutun is menge etew he linimbag ku. Edhimetayan ku is menge etew, menge langgam, menge keranapranap wey is menge tagbis he ziyà te hewhewanan, su deyzey pa pezem ke wazè ku sikandan limbaǥa.”

2 Cronica 24:24

Deisek dà is menge sundaru te Aram he midsurung kenà is menge sundaru te Juda. Piru impezaag te Nengazen kandan is Juda, su mid-iniyuǥan dan is Nengazen he Megbevayà te menge kepuun dan. Umbe nekeuma heini he silut ki Joash.

2 Cronica 36:21

Umbe, netuman is migkaǥi te Nengazen pinaaǥi te ebpeneuven he si Jeremias he egkehimu he mekevulungbulung haazà is tanà ne ebpekehimeley heini seled te 70 he tuig.

Isaias 6:11

Ne mid-insà a te, “Sengemenu is kegkeuǥet kayi, Nengazen?” Midtavak sikandin te, “Taman te egkengewaǥey is menge inged diyà te Israel ne wazè en duen menge etew. Taman te wazè en ebpen-ubpà diyà te menge valey, ne is tanà egkepurung en egkezeeti.

Jeremias 34:22

edsuǥuen ku sikandan te ked-uman kedsurung diyà te inged niw. Edsurung dan kayi ne ed-eǥawen dan heini, ne ebinsulan dan. Edhimuwen ku he mekevulungbulung is menge inged diyà te Juda ne wazè en ed-ubpè kayi. Iyan a, is Nengazen, is migkaǥi kayi.”

Jeremias 36:29

Ne keǥiyi nu sikan is hadì te iyan heini migkaǥi ku, ‘Midtutung nu sikan is linulun he velesahan su nekaǥi zutun he edezeetan te hadì te Babilonia heini he tanà ne ebpenhimetayan din is menge etew wey menge uyaǥen.

Jeremias 7:20

Ne iyan a, is Nengazen he Megbevayà, migkaǥi kayi: Ibpeǥezaman ku is utew ku kegkepauk kayi te lugar, ziyà te menge etew, ziyà te menge uyaǥen, diyà te menge kayu, wey menge abut te tanà. Is pauk ku iring te hapuy he kenà egkeevukan.”

Penhulùhulù 2:17

Mibeelan te Nengazen is mibpelenuwan din te ebaal. Midtuman din is nekaǥi zin dengan. Wazà sikandin mehizu is edezaat keniyu. Midlipey zin is menge kuntada niw tenged te kegkezeeti niw, ne intuǥut din he ikepahambug dan is kebpekegaga zan.

Micas 7:13

Egkehimu he mekevulungbulung is menge nasyun kayi te kelibutan tenged te kegkezeeti te menge meǥinged kayi.”