Zatù 9:8 - Manobo Western Bukidnon OT

⁸ Edtetezeman ku sikiyu vahin te menge kayu he ebpen-ahà te edhadì kandan. Migkeǥiyan dan is kayu he ulibu te, ‘Iyan ka hadì kenami.’

Zatù 9:8 ပူးပေါင်းရင်းမြစ်များ

2 Hadì 14:9

Piru midtavak sikandin ni Hadì Jehoash pinaaǥi kayi he menge lalag: “Diyà te Lebanon duen duǥiyen he sagbet he mibpeuwit te lalag diyà te kayu he sidru he ke sikandin: ‘Ipeesawa nu is anak nu he vahi te anak ku he maama.’ Piru zuen nekevayà dutun he leew he langgam ne midtekutakan din haazà is duǥiyen he sagbet.

2 Cronica 25:18

Piru midtavak sikandin ni Hadì Jehoash pinaaǥi kayi he menge lalag: “Diyà te Lebanon duen duǥiyen he sagbet he mibpeuwit te lalag diyà te kayu he sidru he ke sikandin: ‘Ipeesawa nu is anak nu he vahi te anak ku he maama.’ Piru zuen nekevayà dutun he leew he langgam ne midtekutakan din haazà is duǥiyen he sagbet.

Zatù 9:7

Ne hein nezineg haazà ni Jotam, midtekezeg sikandin diyà te puntur te Buntud he Gerizim ne imbensag din diyà te kandan is menge lalag he edhenduen te, “Menge tig-Shekem, pemineg kew kedì emun egkesuat kew he ebpemineg keniyu is Megbevayà.

Zatù 9:9

Ne midtavak haazà is ulibu te, ‘Kenà egkehimu su lavew he meupiya is kebeǥey ku te lana he ǥelemiten te kebeǥey te zengeg te menge ed-ezapan wey te menge etew, kenà te kedhedii ku keniyu.’