Zatù 8:5 - Manobo Western Bukidnon OT

⁵ Ne hein nekeuma zan diyà te Sucot, midhangyù si Gideon diyà te menge meǥinged dutun. Ke sikandin te, “Edhangyù key te keenen. Su utew key en neveley wey utew key en egkevitil, iyan, kinahanglan pa he edel-asen dey is dezuwa he hadì te menge Midianhen he si Zeba wey si Zalmuna.”

Zatù 8:5 ပူးပေါင်းရင်းမြစ်များ

Genesis 14:18

Ne zuen hadì te inged he Salem he si Melkizedek he midsinuǥung daan kandan. Mid-uwit sikandin te supas wey vinu su ibpekaan din wey ibpeinum din ki Abram. Memumuhat si Melkizedek te Utew Lavew he Megbevayà.

Genesis 33:17

Piru ziyà mebpevayà ensi Jacob te Sucot, he ke và dà egkeǥiya, “Helungà,” ne hein nekeuma zan diyà, midlelawig si Jacob te helungà te menge uyaǥen din. Umbe Sucot is inngazan dan dutun te inged.

Salmo 60:6

He Megbevayà, migkaǥi ka ziyà te valey nu te, “Ebpekezaag a; ebehinen ku is Shekem wey is Suǥud he Sucot ne ibpemeǥey ku ziyà te menge etew ku.

Deuteronomio 23:4

Su wazà kew zan beǥayi te keenen etawa wahig hein midhipanew kew puun te Ehipto, ne midsuhulan dan pa si Balaam is anak ni Beor he tig-Petor ziyà te Aram Naharaim te kedrawak keniyu.

Zatù 5:23

Ne migkaǥi is belinsuǥuen te Nengazen te, “Edrewakan is Meroz! Ebpurungan edrewaki is menge meǥinged kayi su wazè dan medtavang hein ebpekidtebek is Nengazen te mekeǥeǥehem he menge etew.”

Zatù 8:10

Dutun he timpu, si Zeba wey si Zalmuna diyà sikandan te Karkor zuma te menge sundaru zan. 15,000 zà is nesamà he menge sundaru he ebpuun te edsilaan. Menge 120,000 is nepatey kandan.

Zatù 8:12

Mibpelaǥuy si Zeba wey si Zalmuna, piru midal-as sikandan ni Gideon ne midakep din sikandan, ne nengeteranta is menge sundaru zan.

Zatù 8:15

Ne kegkepasad dutun mibeyaan eni Gideon is menge tig-Sucot ne migkeǥiyan sikandan ni Gideon te, “Egketenuzan niw ve is ked-insultuwi niw kedì? Migkaǥi kew te, ‘Zekepa niw zep-a si Zeba wey si Zalmuna ne human dey ebeǥayi te keenen is menge nengeveley wey nengevitil he menge sundaru nu?’ Ne ǥuntaan, heini en si Zeba wey Zalmuna.”

1 Samuel 25:18

Wazè en ipelavey ni Abigail is penahun. Mibpekuwa sikandin te 200 he vuuk he supas, wey dezuwa he teleǥuey he lundis he nepenù te vinu, lelima he kerehidu he midtuug wey sengesaku he midsandag he trigu, 100 he akup he pasas wey 200 he akup he ingkagkag he higus. Ne ibpekarga zin heini te menge asnu,