Zatù 8:3 - Manobo Western Bukidnon OT

³ Impezaag keniyu te Megbevayà is menge pengulu te menge Midianhen he si Oreb wey si Zeeb. Ne wazà nehimu ku he ebpekelavew keniyan.” Ne hein nekaǥi haazà ni Gideon, ne naawà is kegkepauk dan.

Zatù 8:3 ပူးပေါင်းရင်းမြစ်များ

Salmo 115:1

Kenè key iyan ereg he ebeǥayan te zengeg, Nengazen, kekenà, iyan ka, tenged te kebmahala nu kenami wey te kebmetinumanen nu.

Salmo 44:3

Piru iyan tutuu is, kenà pinaaǥi te ǥumaan wey ketau te kebpekidtebek is ingkeengkena te menge kepuun dey kayi he tanà, kekenà, tenged te ǥehem nu, ebilidad nu, wey hizu nu kandan tenged te kebmahala nu kandan.

Erubasa 15:1

Is menayù he kedtavak, ebpekepevehew te pauk, iyan, is hangger he kedtavak, ebpekepeiseg te pauk.

Erubasa 16:32

Deyzey pa is etew he mepelevayen, kenà is etew he veǥani; deyzey pa is etew he ed-eǥenen din is pauk din, kenà is ebihag te sengeingezan.

Erubasa 25:11

Is lalag nu he edsungkad te hustu he timpu, iring heini te mensanas he vulawan he idsavuk diyà te selevukà he pelata.

Erubasa 25:15

Is kebmepelevayen wey menayù he kegkaǥikaǥi ne ebpekeuwit te menge pengulu minsan te menge mezesen is gehinawa.

Zatù 8:2

Ne migkeǥiyan sikandan ni Gideon te, “Deisey zà is kedì he nehimu emun id-iring te keniyu he nehimu. Minsan is deisey he nehimu niw lavew pa te langun he nehimu te pemilya zey.

Zatù 8:4

Midlayun si Gideon wey sikan is 300 he menge etew zin te Wahig he Jordan. Utew en sikandan neveley piru edsiguduwan dan gihapun edel-asa is menge kuntada zan.