Zatù 8:16 - Manobo Western Bukidnon OT

¹⁶ Ne zutun migkuwa ni Gideon sikan is ebpemendumala ziyà te Sucot ne zuen impenurù din kandan pinaaǥi te kedletiguwa zin kandan te zuǥiyen he deisey he kayu.

Zatù 8:16 ပူးပေါင်းရင်းမြစ်များ

Erubasa 10:13

Duen menge meupiya he penurù he egkekuwa ta ziyà te menge lalag te etew he metau, iyan, is engey ereg he ebmensuwen etawa edsilutan.

Erubasa 19:29

Ebmultahan is etew he sumpalit ne ebuǥelen is egkeengey-engey.

Micas 7:4

Is kinemetezengan kandan ne iring dà te zuǥiyen he sagbet he wazè din pulus. Neume en is timpu he edsilutan te Megbevayà heini he menge etew sumalà te impetizaan din kandan pinaaǥi te menge ebpeneuven he iring te menge perevantey te turi. Umbe ǥuntaan egkengeliveǥan sikandan.

Zatù 8:15

Ne kegkepasad dutun mibeyaan eni Gideon is menge tig-Sucot ne migkeǥiyan sikandan ni Gideon te, “Egketenuzan niw ve is ked-insultuwi niw kedì? Migkaǥi kew te, ‘Zekepa niw zep-a si Zeba wey si Zalmuna ne human dey ebeǥayi te keenen is menge nengeveley wey nengevitil he menge sundaru nu?’ Ne ǥuntaan, heini en si Zeba wey Zalmuna.”

Zatù 8:17

Ne hein nepasad haazà ne iyan en maan midrundus dan is turi ziyà te Penuel ne mibpenhimetayan dan is menge maama zutun te inged.

Zatù 8:7

Ne migkaǥi si Gideon te, “Ew iyan bes heeyan, emun ibeǥey en te Nengazen kedì si Zeba wey si Zalmuna. Edletiguwen ku sikiyu te zuǥiyen he dezeisey he kayu.”