Zatù 7:5 - Manobo Western Bukidnon OT

⁵ Umbe, miduma sikandan ni Gideon diyà te wahig. Ne zutun migkaǥi is Nengazen te, “Isivey nu is langun he mid-akup te wahig he mid-iring te asu su midèdè dan haazà, wey isivey nu zaan sikan is midluhud su wey mekeinum.”

Zatù 7:5 ပူးပေါင်းရင်းမြစ်များ

1 Hadì 17:13

Ne migkaǥi si Elias diyà te kandin te, “Kenè ka meseeng. Ulì ka ne veeli nu is migkaǥi nu. Piru hunai a kenikew hilutui te zeisey zà he supas he ebpuun duen te nesamà he herina nu, ne segugunè nu uwita kayi te kediey. Ne emun igkahated nu en kayi te kediey ne hilutù ka zaan te para kenikew wey para te anak nu.

Salmo 110:7

Sikew, Mahal he Hadì, ed-inum ka ziyà te wahig he edtudà he ziyà te kilid te zalan, umbe edlikù is desen nu ne ebpekezaag ka.

Zatù 7:4

Piru migkaǥi is Nengazen diyà te ki Gideon te, “Mahabet pa ǥihapun is nesamà. Dumaha nu sikandan diyà te wahig su idsivey ku is ibpezuma ku kenikew. Is minsan hentei he egkeǥiyen ku he ibpezuma, ne zumaha nu. Is minsan hentei he egkeǥiyen ku he kenà ibpezuma, ne kenè nu zumaha.”

Zatù 7:6

Ne 300 kandan is diyà med-inum te menge palad dan, is duma mid-inum he midluhud.