Zatù 6:9 - Manobo Western Bukidnon OT

⁹ Midlibri ku sikiyu te pesipala te menge Ehiptohanen wey te langun he edlisedlised keniyu. Impezaag ku keniyu is menge kuntada niw, ne imbeǥey ku keniyu is menge tanè dan.

Zatù 6:9 ပူးပေါင်းရင်းမြစ်များ

Salmo 105:43

Impeǥuwè din puun te Ehipto he melipayen wey ebpemen-ugyab te kegkelipey is menge etew he pinilì din.

Salmo 136:24

Midlibri kiw zin te kedezaat te menge kuntada tew. Wazà pidtemanan te ǥaǥew zin.

Exodus 33:2

Ne edsuǥuen ku is belinsuǥuen ku te keǥiya keniyu, ne edsegseǥen ku puun dutun te tanà is menge Canaanhen, menge Amorihanen, menge Hitihanen, menge Pirisihanen, menge Hivihanen, wey menge Jebusihanen.

Zatù 6:10

Migkeǥiyan ku sikiyu he iyan a Nengazen he Megbevayè niw ne kinahanglan he kenè niw ezapa is menge ed-ezapen te menge Amorihanen he iyan kew ǥuntaan nekeilis he ed-ubpà diyà te ed-ubpaan dan. Piru wazà a keniyu pemineǥa.’ ”

Zatù 6:8

midsuǥù te Nengazen diyà te kandan is sevaha he ebpeneuven he migkaǥi ziyà te kandan te, “Iyan heini egkeǥiyen te Nengazen he Megbevayà te Israel: ‘Impegawas ku sikiyu ziyà te Ehipto he zutun kew uripena.

1 Samuel 10:18

Hein diyè dan en, midtudtul ni Samuel is migkaǥi te Nengazen, kes Megbevayà te Israel: “Impeǥawas ku sikiyu is menge Israilihanen puun te Ehipto; midluwas ku sikiyu puun te menge Ehiptohanen wey te langun he ginhedian he midaagdaag keniyu.