Zatù 6:3 - Manobo Western Bukidnon OT

³ Emun ebpemula is menge Israilihanen, segugunà sikandan edsurunga te menge Midianhen, Amalikanhen, wey zuma pa he menge etew ziyà te edsilaan.

Zatù 6:3 ပူးပေါင်းရင်းမြစ်များ

Genesis 25:6

Piru te wazè pa mebpatey si Abraham, duen daan impemeǥey zin diyà te menge anak din he maama he anak te zuma he menge esawa zin, ne ziyè din sikandan ipeubpà te tanà he zapit te edsilaan, he meziyù te anak din si Isaac.

Genesis 29:1

Ne midlaus si Jacob te kedhipanew zin, ne nekeuma sikandin diyà te tanà te menge etew he zapit te edsilaan.

1 Hadì 20:27

Midtiǥum daan is menge Israilihanen wey in-andam dan is menge kinahanglan dan ne migenat dan is ebpekidtebek te menge Aramihanen. Ne atbang is kampu zan te kampu te menge Aramihanen. Piru henduen dà sikandan te dezuwa he dezeisey he layud te menge kambing emun idhindeg te menge Aramihanen he nekeeneb diyà te menge suǥud.

1 Hadì 4:30

Is ketau zin lavew pa te ketau te langun he uluwanen diyà te edsilaan wey ziyà te Ehipto.

1 Hadì 5:10

Umbe, mibeǥayan ni Hiram si Solomon te langun he egkinehenglanen din he menge kayu he sidru wey sipris.

Job 1:3

Duen din 7,000 he menge kerehidu, 3,000 he menge kemilyu, 500 he paris he vaka, wey 500 he menge vehiyan he menge asnu. Ne zuen din daan mahabet he menge suluǥuen. Iyan sikandin pinekesepian te langun he menge etew ziyà te zapit te edsilaan te Israel.

Job 31:8

deyzey ke egkengezeetan is menge pinemula ku etawa zeyzey ke zuma he etew is ebpekekaan kayi.

Exodus 17:8

Midsurung te menge Amalikanhen is menge Israilihanen hein diyè dan pa te Refidim.

Isaias 11:14

Edsevaha sikandan te kedsurung te menge Filistihanen diyè dapit te edsenlepan. Edsurungen dan daan is menge nasyun diyà te edsilaan ne edtevanen dan is menge azen kayi. Edsekupen dan is Edom wey Moab, ne is menge Amunihanen ebpesakup daan kandan.

Isaias 62:8

Nenangdù is Nengazen he pinaaǥi te gehem din ebeelan din heini. Ke sikandin te, “Kenè ku en ibpekaan is menge trigu niw te menge kuntada niw he lumelengyawè, ne kenè dan en ed-inumen is binu he midheǥuan niw.

Jeremias 49:28

Iyan heini migkaǥi te Nengazen mehitenged te Kedar wey te menge ginhedian diyà te Hazor he midsurung ni Hadì Nebucadnezar he hadì te Babilonia: “Pengandam kew ne surunga niw is Kedar! Dezeeti niw heini he menge etew is diyà te edsilaan.

Ezekiel 25:3

Keǥiyi nu is menge meǥinged keniyan he mebpemineg dan kedì, su iyan a, is Nengazen he MEGBEVAYÀ migkaǥi te, ‘Tenged te ingkelipey niw is kegkerundus duen te simbahan he valey ku wey is kegkezeeti te Israel, wey kegkevihag te menge etew ziyà te Juda,

Ezekiel 25:4

ibpesakup ku sikiyu te menge etew ziyà te edsilaan, ne ed-engkenen kew zan. Egkampu sikandan diyà te keniyu, ne egkeenen dan is menge prutas niw wey ed-inumen dan is gatas niw.

Leviticus 26:16

iyan heini ebeelan ku keniyu: Egketeranta kew te kegkahandek su ebpeeǥiyan ku sikiyu te menge zaru he kenà egkeulian wey dateng he ebpekezezaat te menge mata niw wey menge lawa niw. Ebpemula kew ne kenà heini ebpulus diyà te keniyu su edsurungen kew te menge kuntada niw ne egkeenen dan is menge abut niw.

Micas 6:15

Umbe, ebpemula kew, piru kenè kew iyan ebpekeraǥun kayi. Ebpetiǥis kew te menge ulibu, piru kenè kew iyan ebpekepulus te lana kayi. Egkeres kew te menge paras, piru kenè kew iyan ebpekeinum te vinu kayi.

Deuteronomio 28:51

Egkeenen dan is menge uyaǥen niw wey is menge abut niw taman te ebpemematey kew. Wazè dan edsemaan duen te menge trigu niw, binu niw, lana niw, wey menge uyaǥen niw taman te egkengezeetan kew.

Zatù 3:13

Pinaaǥi te tavang te menge Amunihanen wey menge Amalikanhen, midsurung ni Eglon is menge Israilihanen, ne mid-aǥew zin is inged he Jerico.

Zatù 6:2

Utew mesipala is menge Midianhen, umbe nepeǥes is menge Israilihanen te ked-eles diyà te menge vuvungan, menge surung, wey zuma pa he egkehimu he ed-elesan.

Zatù 6:33

Dutun he timpu midsevaha is menge Midianhen, menge Amalikanhen, wey zuma he menge etew ziyà te edsilaan. Midlayun sikandan te Wahig he Jordan ne migkampu zan diyà te suǥud he Jezreel.

Zatù 6:4

Heini sikandan egkampu ziyà te lugar te menge Israilihanen, ne ebpendezeetan dan is menge pinemula te menge Israilihanen taman te Gaza. Ebpenguwaan dan is langun he menge kerehidu, baka, wey asnu, ne wazà edsemaan dan he para te menge Israilihanen.

Zatù 7:12

Is menge Midianhen, menge Amalikanhen, wey zuma pa he menge etew he ebpuun diyà te edsilaan, migkampu ziyà te menge suǥud he henduen be te kahabet te terapan is kahabet dan. Is menge kemilyu zan henduen be te kahabet te pantad diyà te veyvey te zaǥat he kenà egkevilang.

Zatù 8:10

Dutun he timpu, si Zeba wey si Zalmuna diyà sikandan te Karkor zuma te menge sundaru zan. 15,000 zà is nesamà he menge sundaru he ebpuun te edsilaan. Menge 120,000 is nepatey kandan.