Zatù 5:5 - Manobo Western Bukidnon OT

⁵ Nehuyung is menge vuntud diyà te etuvangan nu, Nengazen. Iyan ka kes Megbevayà te Israel, ne impezayag nu is keugelingen nu ziyà te Buntud he Sinai.

Zatù 5:5 ပူးပေါင်းရင်းမြစ်များ

Salmo 104:32

Emun edtengtengan nu is kelibutan, ne egkehuyung heini. Ne emun edsemsamen nu is buntud, ne ed-evel heini.

Salmo 114:4

Neyunggat is menge vuntud wey menge vuvungan he henduen be te ebpemenlinglingketew he menge kambing wey menge kerehidu.

Salmo 68:8

nehuyung is tanà wey mid-uzan su geina te nekeuma ka, is Megbevayà te Israel. Impezayag nu is keugelingen nu ziyà te Sinai.

Salmo 68:9

Ne wazà kurang te uzan he imbeǥey nu, umbe nepurung mahames is memaza he tanà he imbeǥey nu ziyà te menge etew nu.

Salmo 97:5

Nengetunew is menge vuvungan he henduen be te kendilà diyà te etuvangan te Nengazen, is Nengazen iyan ebayàbayà te tivuuk he kelibutan.

Exodus 19:18

Ne neselikuvungan te evel haazà is Buntud he Sinai su mibulus is Nengazen dutun pinaaǥi te hapuy. Midlipuwak is evel zutun he iring te evel te utew zekelà he rapug, ne nehuyung haazà is tivuuk he vuntud,

Exodus 20:18

Ne hein nezineg duen te menge etew is beransì, wey zaǥing te vudyung, wey hein neehè dan is egkeserasab he kilat, wey evel zutun te vuntud, migkerker sikandan te kegkahandek dan, ne mibpekeziyù sikandan.

Isaias 63:19

Gaked key kenikew puun pa zengan. Piru henduen be te ed-isipen nu he kenè key kenikew ǥaked, ne henduen be te wazè key kenikew dumelaha.

Nahum 1:5

Diyà te etuvangan din egkehuyung is kelibutan, ragkes is menge vuvungan, wey ragkes he egkerkeren is menge etew kayi te kelibutan.

Habakuk 3:10

Is menge vuntud henduen be te menge etew he egkerkeren emun egkeehè ke zan. Mid-uzan te mereǥes, mideǥurus is wahig diyà te zaǥat ne midekelà is menge vaǥel.