Zatù 5:3 - Manobo Western Bukidnon OT

³ Pemineg kew is menge hadì wey menge pengulu! Egkanta a te kedalig te Nengazen he Megbevayà te Israel!

Zatù 5:3 ပူးပေါင်းရင်းမြစ်များ

Genesis 6:17

Su ibpelapey ku is langun he menge wahig dini te tanà su wey melimas is minsan hengkey he egeǥehinawa zini te kelibutan. Ne egkeǥerà is minsan hengkey zini te tanà.

Genesis 9:9

“Edtukuzen ku en guntaan is kebpekid-uyun ku keniyu wey te menge kevuwazan niw,

1 Hadì 18:22

Mid-uman megkaǥi si Elias te, “Iyan e zà nesamà te menge ebpeneuven te Nengazen, piru si Baal 450 is kandin he ebpeneuven.

1 Hadì 19:10

Midtavak sikandin te, “Nengazen he Megbevayà he Mekeǥeǥehem, metinumanen a he nenilbi kenikew. Piru inselikwey te menge Israilihanen is paaǥi nu te kebpekid-uyun kandan, midezeetan dan is menge pemuhatà para kenikew, wey mibpenhimetayan dan is menge ebpeneuven nu. Ne sebsevaha ku zà te nesamà, piru edtinguhè dan daan te kedhimatey kedì.”

1 Hadì 19:14

Midtavak sikandin te, “Nengazen he Megbevayà he Mekeǥeǥehem, metinumanen a he nenilbi kenikew. Piru inselikwey te menge Israilihanen is paaǥi nu te kebpekidepità kandan, midezeetan dan is menge pemuhatà para kenikew, wey mibpenhimetayan dan is menge ebpeneuven nu. Ne sebsevaha ku zà is nesamà, ne edtinguhè dan daan te kedhimatey kedì.”

Ezra 7:21

“Iyan a, si Hadì Artaserkses, mibmenduan ku sikiyu is langun he menge trisuriru ziyà te prubinsya he ziyan layun te Eufrates he iveǥey niw is minsan hengkey he ebuyuen ni Ezra he memumuhat wey menunudlù te Kesuǥuan te Megbevayà diyà te langit.

Salmo 119:46

Kenè ku igkeeled is kedtudtul te menge penurù nu minsan diyà te etuvangan te menge hadì.

Salmo 146:2

Edalig a kandin seled te tivuuk he untung ku. Egkanta a te kedalig te Megbevayà mintras uuyag e pa.

Salmo 27:6

Umbe, egkezaag ku is menge kuntada ku he edliǥuy kediey. Ne ebpemuhat a zutun te valey te Nengazen duma is ked-uruhuy ku su utew a egkelipey. Ne egkentahan ku sikandin.

Salmo 61:8

Ne zutun layun a egkanta te kedalig kenikew, ne layun ku edtumana is menge penaad ku kenikew.

Exodus 31:6

Ne nepilì ku zaan he edterebahu duma kandin si Oholiab he anak he maama ni Ahisamac te ebpuun diyà te tribu ni Dan. Ne ebeǥayan ku zaan te ebilidad is langun he menge pandey su para mehimu zan is minsan hengkey he idsuǥù ku he ebeelan he iyan is:

Leviticus 26:28

ne tenged te pauk ku egkuntrahan ku sikiyu ne edsilutan ku sikiyu te pitu pa maan he takep.

Deuteronomio 32:1

He langit, pemineg ka su egkaǥi a! He tanà, pemineǥa nu is menge lalag ku.

Deuteronomio 32:3

Ibpahayag ku is ngazan te Nengazen! Edeliǥen ku is kegkemekeǥeǥehem te Megbevayè tew!

Zatù 5:7

Wazè en egkesuat he ed-ubpà diyà te Israel, taman te kebpekeuma nu, Debora, te migkilala he iney te menge Israilihanen.