Zatù 5:16 - Manobo Western Bukidnon OT

¹⁶ Ne tribu ni Reuben, maan is mibpetaǥak kew zuma te menge kerehidu? Iyan be igkeiniyat niw is pengumawan te ebantey te menge kerehidu zan? Is tribu ni Reuben kenà ebpekidsevaha umbe kenè dan ebpekehukum ke hengkey is engayan he ebeelan dan.

Zatù 5:16 ပူးပေါင်းရင်းမြစ်များ

Genesis 49:14

“Sikew Isacar, iring ka te utew mezesen he asnu piru edleku ke zà diyà te ubpeey te menge kerehidu.

Salmo 4:4

Emun egkepauk kew, kinahanglan he kenè kew ebpekesalà tenged dutun. Ne emun edhizeǥè kew en diyà te menge hizeǥaan niw, pekelinawa niw is gehinawa niw ne purung kew ngunùngunù.

Salmo 68:13

Minsan sikan is mibpetaǥak diyà te tudil te menge kerehidu nekezawat te vahin he menge ledawan he merepatik, he is menge pakpak dan mid-epizan te pelata ne mid-epizan te lunsey he vulawan is purù dutun te pakpak dan.”

Salmo 77:6

Emun mezukilem ne mezalem is ed-is-isipen ku. Ebpurung a egngunùngunù ne iyan heini menge insà he neuma te isip ku:

Numero 32:24

Sigi, bangun kew te menge inged he para te menge vahi niw wey menge anak niw, wey vaal kew te menge tudil he para te menge uyaǥen niw. Piru kinahanglan he edtumanen niw is insaad niw.”

Numero 32:6

Ne migkaǥi si Moises diyà te tribu ni Gad wey ni Reuben te, “Iyan be ibpesavut niw he kayi kew zà mulà minsan ebpekidtebek is duma niw he menge Israilihanen?

Zatù 5:15

Miduma zaan ki Debora wey ki Barak pehendiyà te menge suǥud is menge pengulu te tribu ni Isacar. Piru is tribu mulà ni Reuben, wazè dan mekehukum ke eduma zan etawa kenà.