Zatù 5:13 - Manobo Western Bukidnon OT

¹³ Is nesamà he menge uuyag he menge etew te Nengazen midtupang dan duma kedì te kedsurung te dungganen wey gemhanan he menge etew.

Zatù 5:13 ပူးပေါင်းရင်းမြစ်များ

Salmo 49:14

Netendek en is kebpatey zan iring te menge kerehidu. Ne is kemetayen iyan egiya kandan pehendiyà te penlevengà, iring te ed-elima he iyan egiya te menge kerehidu. Emun egkepawà, egkeveyveyaan sikandan duen te menge etew he midtinazeng. Egkengeredak is nemematey. Iyan en egkehimu he ubpeey zan, is leveng.

Salmo 75:7

kekenà, iyan dà is Megbevayà. Iyan sikandin edhukum; ebpekevevaan din is ked-etew te zuma, ne is duma ebeǥayan din te zengeg.

Ezekiel 17:24

Ne egketuenan te langun he menge kayu kayi te tanà he iyan a is Nengazen edtamped te metawis he menge kayu wey ebpeketawis te mevavà he menge kayu. Iyan a zaan egangu te merapung he menge kayu wey ed-uman ebpetuvù te neǥangu he menge kayu. Iyan a, is Nengazen, midsaad kayi ne edtumanen ku heini.”

Zatù 5:12

“Egenat ki, Debora, egenat ki ne egkanta ki te kedalig te Megbevayà. Ne Barak he anak ni Abinoam, duma ka zaan wey bihaǥa nu is menge bilihaǥen nu.”

Zatù 5:14

Is duma kandan ebpuun diyà te Efraim he lugar he ǥaked dengan te menge Amalikanhen. Ne midtinundug kandan is tribu ni Benjamin. Midtupang is menge peremandar he ebpuun te pemilya ni Makir, wey is menge upisyal he ebpuun te tribu ni Zebulun.

Zatù 5:23

Ne migkaǥi is belinsuǥuen te Nengazen te, “Edrewakan is Meroz! Ebpurungan edrewaki is menge meǥinged kayi su wazè dan medtavang hein ebpekidtebek is Nengazen te mekeǥeǥehem he menge etew.”