Zatù 5:12 - Manobo Western Bukidnon OT

¹² “Egenat ki, Debora, egenat ki ne egkanta ki te kedalig te Megbevayà. Ne Barak he anak ni Abinoam, duma ka zaan wey bihaǥa nu is menge bilihaǥen nu.”

Zatù 5:12 ပူးပေါင်းရင်းမြစ်များ

Salmo 108:2

Egkeriwaswas pa ne egimerat e en, su wey ku maandam en is menge instrumintu ku he zuen dan menge kuwirdas para meǥamit ku te kedalig kenikew.

Salmo 57:8

Ed-enew a emun egkeriwaswas en, ne ed-endamen ku is gehinawa ku wey is menge gelemiten ku te kedtukar he zuen menge kuwirdas su para egkeǥamit ku te kedalig kenikew.

Salmo 57:9

Edeliǥen ku sikew, Nengazen, diyà te teliwazà te menge etew. Egkentahan ku sikew ziyà te teliwazà te keet-etawan diyà te senge nenasyun.

Salmo 68:18

Hein mibpeketikang sikandin, mahabet he menge vihag is mid-uwit din, ne midawat din is menge gasa he ebpuun diyà te menge etew, minsan is ebpuun diyà te mesinupaken kandin. Ne kayi te kenitew ed-ubpà is Nengazen he Megbevayà.

Isaias 14:2

Edtevangan te zuma he menge nasyun is Israel su para mekelikù is menge Israilihanen diyà te tanà he imbeǥey kandan te Nengazen. Ne zutun egkehimu he uripen dan is ebpemuun diyà te zuma he menge nasyun. Egkengevihag dan is mibihag dengan kandan, ne edhimuwen dan he menge sakup dan is midaagdaag kandan.

Isaias 33:1

Mekehizuhizu kew is menge ebpendezaat he wazà mekesaǥad he edezeetan. Mekehizuhizu kew is menge meluiven he wazà mekesaǥad he edluivan. Emun egkepasad en is kebpendezaat niw wey kebpenluib, ne iyan kew en maan edezeetan wey edluivan.

Isaias 51:17

Enew ke en Jerusalem! Is pauk te Nengazen iring te inumen he mid-amin nu inuma taman te nekeziregdireg ka te kegkelangut nu.

Isaias 51:9

Sigi en Nengazen, tevangi key en. Gemita nu is gehem nu te kedlibri kenami. Tevangi key iring te mibeelan nu zengan. Kenè be iyan ka midtadtad te dragun he si Rahab?

Isaias 60:1

Enew ka, Jerusalem, ne silè ka iring te andew su neume en is kegkelibri nu, ne midsilè en diyà te kenikew is mekeǥeǥehem he kebpekiduma te Nengazen.

Jeremias 31:26

‘Hein nepukew a, neǥezam ku he utew meupiya is kedlipezeng ku.’ ”

Zatù 5:13

Is nesamà he menge uuyag he menge etew te Nengazen midtupang dan duma kedì te kedsurung te dungganen wey gemhanan he menge etew.