Zatù 5:11 - Manobo Western Bukidnon OT

¹¹ Pemineǥa niw is edseysayen te menge etew he ebpemenliǥuy ziyà te menge teheb. Edseysayen dan is kezeeǥan te Megbevayà pinaaǥi te menge sundaru zin diyà te Israel. Ne midhendiyà is menge etew te Nengazen te pultahan te inged he ke sikandan te,

Zatù 5:11 ပူးပေါင်းရင်းမြစ်များ

Genesis 24:11

Impeleku zin is menge kemilyu ziyà te uvey te kalut he ǥawas te inged. Mahapun en dutun he iyan uras he edsekezu is menge vahi.

Genesis 29:2

Ne zuen neehè din diyà te unayan he sevaha he kalut, ne ziyà te uvey kayi zuen tetelu he leyuzan he kerehidu, su ziyà egkuwa is menge etew zutun te wahig he ibpeinum dan te menge kerehidu zan. Heini he kalut ne midtengevan te zekelà he vatu.

Genesis 29:3

Edteǥan te menge bekidu te kerehidu he egkevurunburun is langun he menge kerehidu zan ne human dan id-awà haazà is batu he intangeb. Emun egkepasad dan te kebpeinum is menge kerehidu zan, ne idlikù dan haazà is batu.

Job 29:7

Emun edhendiyà a te pultahan te inged su edtampu a te ebpemendumala te inged dutun te kebmiting dan,

Salmo 145:7

Ibpenudtul zan daan is kegkevantug te keupiya nu he wazè din repeng, wey egkanta zan mehitenged te ketazeng nu.

Salmo 71:15

Layun ku edtudtula is metazeng he ebeelan nu he kedlibri te menge etew nu, minsan pa te kenè ku heini egketegkad ke maan.

Isaias 12:3

Iring te ebpekeveǥey te kelipey is wahig he meǥenew te egkemezahan, ne egkelipey kew ke edluwasen kew en te Nengazen.

Isaias 28:6

Ebeǥayan din is menge zatù te tinguhà te layun kebeǥey te hustu he kukuman. Wey ebeǥayan din te kevurut is menge sundaru he ebantey su wey kenà ebpekeseled is menge edsurung diyà te inged.

Jeremias 7:2

“Hitindeg ka ziyà te ǥemawan te valey ku ne keǥiya nu heini he menge lalag: ‘Pemineg kew is menge etew kayi te Juda he edseled kayi te ked-azap te Nengazen.

Penhulùhulù 5:4

Kinahanglan pa he ebpemesahan dey is wahig he ed-inumen dey wey is kayu he idtavun dey.

Penhulùhulù 5:9

Dutun te kebpen-ehè dey te keenen nemiligru key te ermadu he menge etew ziyà te sibsivayan.

Micas 6:5

He menge etew ku, tentenuzi niw he midsuǥù ni Hadì Balak he hadì te Moab si Balaam he anak ni Beor te kedrawak keniyu piru penuvadtuvad keniyu is impekaǥi ku ki Balaam. Tentenuzi niw zaan ke mibmenumenu ku sikiyu te edtavang hein midhipanew kew puun te Shitim pehendiyà te Gilgal. Tentenuzi niw heini he menge hitavù su wey niw meisip-isip is kedlibriya ku keniyu.”

Deuteronomio 22:24

ne uwita niw haazà is dezuwa ziyà te pultahan te inged ne edtulengen sikandan te vatu taman te kebpatey zan. Edhimetayan haazà is bahi su minsan diyà sikandin te inged ne wazà mebpetavang pinaaǥi te kebpengulahi. Edhimetayan haazà is maama tenged te midhilevetan din is bahi he hapit en ed-esewaa. Kinahanglan he id-awè niw heini he mezaat he vaal ziyà te keniyu.

Deuteronomio 33:21

Mibpilì dan is tanà he kineupiyahan he engayan he para te menge pengulu. Emun edtiǥum is ebpemendumala te menge Israilihanen, edsunuzen kayi he tribu is ibpetuman kandan te Nengazen wey is menge sulunuzen para te Israel.”

Zatù 11:40

he kada tuig, edlalew seled te heepat he andew is menge raǥa para te anak ni Jefta.

Zatù 5:8

Hein mid-azap sikandan te veǥu he menge ed-ezapen, nehitavù is tebek diyà te tivuuk he Israel. Piru te 40,000 he menge Israilihanen ne wazà minsan sevaha kandan he zuen din kelasag etawa vangkew.

1 Samuel 12:7

Guntaan, kenè kew awà diyà te etuvangan te Nengazen he iyan is nehitindeǥan niw ǥuntaan, su idsumbung ku sikiyu. Ibpetentenuzan ku keniyu is menge keupiyaanan he mibeelan te Nengazen diyà te keniyu wey menge kepuun niw.