Zatù 4:6 - Manobo Western Bukidnon OT

⁶ Ne sevaha he andew, impetawag ni Debora si Barak he anak ni Abinoam te tig-Kedesh he sakup te tribu ni Naftali. Kebpekeuma ni Barak, migkaǥi si Debora te, “Is Nengazen he Megbevayà te Israel, edsuǥuen ke zin. Ke sikandin te, ‘Kuwa ke en te 10,000 he menge maama puun diyà te menge tribu ni Naftali wey ni Zebulun ne zumaha nu sikandan diyà te Buntud he Tabor.

Zatù 4:6 ပူးပေါင်းရင်းမြစ်များ

Salmo 7:6

Nengazen he Megbevayè ku, ipeehè nu en guntaan is pauk nu te menge kuntada ku he utew egkengepauk kedì, su iyan man ebpen-ahaan nu is hustu he kukuman.

Salmo 89:12

Mibeelan nu is dizaya wey is divavà. Is Buntud he Tabor wey is Buntud he Hermon iring heini is dezuwa te menge etew he egkanta te kegkelipey tenged kenikew.

Salmo 89:13

Mekeǥeǥehem ka! Utew subra is desen nu!

Jeremias 46:18

“Siak, is uuyag he Hadì he Nengazen he Mekeǥeǥehem, ebpenangdù a he iring te lavew he metikang is Buntud te Tabor te zuma he menge vuntud, ne is buntud he Carmel ebpekehinungew te zaǥat, iring daan keniyan is gehem te edsurung te Ehipto.

Hoseas 5:1

Migkaǥi pa is Nengazen te, “Pemineg kew, is menge etew te Israel, ragkes kew en is menge memumuhat wey menge sakup te pemilya te hadì, su heini he kedhukum ne para keniyu: Iring kew te penuǥes he nekeutel, su nezeetan tenged keniyu is menge etew ziyà te Mizpa wey Tabor.

Josue 1:9

Tentenuzi nu heini is insuǥù ku kenikew: ‘Mebpekelig-en ka wey mebpekevurut ka. Kenè ka mahandek wey luyahi, su siak, is Nengazen he Megbevayè nu, eduma a kenikew minsan hendei ka ebpevayà.’ ”

Josue 19:22

Is dulunà nekeuma ziyà te Tabor, diyà te Shahazuma, wey te Bet Shemesh, ne ziyà metaman te Wahig he Jordan: ne 16 he menge inged is nesakup te Isacar, ne ebpekeuman kayi is dezeisey he menge inged diyà te peliǥuy kayi he menge inged.

Josue 19:32

Is ikeenem he mibehinan te tanà pinaaǥi te kedripa iyan is menge pemilya te tribu ni Naftali.

Josue 19:35

Is duma he vinerengbeng he menge inged he nesakup kayi iyan is: Zidim, Zer, Hammat, Rakat, Kineret,

Josue 19:37

Kedesh, Edrei, En Hazor,

Josue 21:32

Ne mibeǥayan pa sikandan te tetelu he inged he nesakup te tanà te tribu ni Naftali he iyan is: Kedesh diyà te Galilea (he sevaha zaan duen te menge inged he eputà, he zutun egkehimu he ed-aput is sevaha he etew he nekepatey he wazè din tivevaa), is Hamot Dor wey is Kartan, ragkes is menge penebtavà kayi. Ne 13 he menge inged ragkes is menge penebtavà kayi is imbeǥey ziyà te kevuwazan ni Gershon.

Zatù 4:10

Ne zutun impehendiyà ni Barak te Kedesh is menge tribu ni Naftali wey ni Zebulun, ne 10,000 kandan is miduma kandin. Elin daan miduma si Debora.

Zatù 5:1

Dutun te andew te kebpekezaag dan, migkanta si Debora wey si Barak he anak ni Abinoam. Iyan heini kanta zan:

Zatù 6:35

Mibpesuǥuan din is tivuuk he tribu ni Manase, ragkes is menge tribu ni Asher, Zebulun, wey Naftali, su wey zan mekezuma te kebpekidtebek. Ne miduma sikandan ki Gideon.

Zatù 8:18

Ne zutun mid-insaan ni Gideon si Zeba wey si Zalmuna te, “Memenumenu is paras te menge maama he mibpenhimetayan niw ziyà te Tabor?” Midtavak sikandan te, “Iring kenikew, henduen be te anak sikandan te hadì.”

1 Samuel 10:3

Migkaǥi si Samuel te, “Emun ebpekeuma ka ziyà te kayu he ulayan diyà te Tabor, duen tetelu he etew he igkedsinuǥung nu he ebpehendiyà te Betel su ed-azap te Megbevayà. Is sevaha kandan ne ed-uwit te tetelu he nati te kambing, ne is ikezuwa ne ed-uwit te tetelu he supas, ne is iketelu ne ed-uwit te vinu he ziyà itaǥù te lundis he teleǥuey.

1 Samuel 12:11

Ne midsuǥù te Nengazen si Gideon, si Barak, si Jefta wey siak, su midluwas dey sikiyu puun te kedsekupa keniyu te menge kuntada niw kayi te nekelingut, umbe guntaan meupiyè en is ked-ubpè niw.