Zatù 4:5 - Manobo Western Bukidnon OT

⁵ Emun ebpehusey is menge Israilihanen te samuk dan diyà te ki Debora, edhendiyè dan te sihung te Palma ni Debora, ziyà te pid-elangan te Rama wey Betel he ziyà te vuvungan te Efraim.

Zatù 4:5 ပူးပေါင်းရင်းမြစ်များ

Genesis 35:8

Ne zutun, minatey si Debora he mid-uyamu zengan ki Rebeka. Ne ziyà ileveng sikandin te sihung te kayu he ulayan he ziyà te alug te Betel. Egngezanan haazà he kayu he Alon Bacut, he ke và egkeǥiya, “kayu he midsineǥawan.”

Exodus 18:13

Ne zutun te sunud he andew, mibpinuu si Moises is ebpenhusey wey edsambag te menge etew, ne nehepunan is kedliǥuyi kandin te menge etew.

Exodus 18:16

Ne emun duen menge kesevaan dan, idangep dan kayi te kediey, ne edhusayen ku sikandan ke hentei kandan is ebpekevenar. Ne ibpenurù ku kandan is menge suǥù wey menge sulunuzen he ibpesunud te Megbevayà.”

Exodus 18:19

Pemineǥa a kenikew ǥuntaan su edsembaǥan ku sikew, ne verakat he zumahi ka te Megbevayà. Leusa nu is ked-ul-ulaha nu te ked-uvey ziyà te Megbevayà para te menge etew. Izangep nu ziyà te kandin is kesevaan dan.

Exodus 18:26

Nenilbi sikandan te menge etew he iyan menge zatù te langun he timpu. Iyan sikandan edhusey te menge melemu zà he menge samuk, iyan, is menge mereǥen he menge samuk ne idangep dan diyà te ki Moises.

Jeremias 31:15

Mibpedayun te Nengazen is menge lalag din te, “Duen egkezineg he sineǥawan wey lendag diyà te inged he Rama. Edsineǥew si Raquel tenged te menge anak din. Egketulung en sikandin egkeiinek su nemematey is menge anak din.”

Josue 16:2

Puun te Betel (he iyan is Luz), ne ebpekevayà diyà te Atarot he mid-ubpaan te menge Arkanhen.

Josue 18:22

Bet Araba, Zemaraim, Betel,

Josue 18:25

Ne elin ebpekeuman kayi is Gibeon, Rama, Beerot,

Zatù 4:4

Dutun he timpu iyan pengulu te Israel si Debora. Ebpeneuven sikandin te Megbevayà ne esawa sikandin ni Lapidot.

1 Samuel 1:1

Duen sevaha he etew he kevuwazan ni Zuf he egngezanan ki Elkana. Heini sikandin ne ziyà med-ubpà te Rama diyà te vuvungan te Efraim. Anak sikandin ni Jeroham he anak ni Elihu. Ne si Elihu anak sikandin ni Tuhu he anak ni Zuf, he ebpuun te tribu ni Efraim.

1 Samuel 1:19

Meselem utew zutun te sunud he andew, mid-enew si Elkana wey is tivuuk he pemilya zin ne mid-azap dan is Nengazen. Ne human dan med-ulì diyà te ubpaan dan he Rama. Ne midhulizan ni Elkana si Hana ne midtavak te Nengazen is menge pengemuyù ni Hana he ebeǥayan sikandin te anak.

1 Samuel 22:6

Haazà he andew nezineg ni Saul he zuen nekaahà ki David wey menge sakup din. Dutun ebpimpinuu si Saul te sihung te kayu he tamariska, diyà te vuntud te Gibea. Egewazan din is bangkew zin, ne midlingutan sikandin te langun he menge upisyal zin.

1 Samuel 25:1

Ne mibpatey si Samuel, ne netiǥum dutun is langun he menge Israilihanen ne inlalew zan sikandin. Inleveng dan sikandin diyà te inged din he Rama. Hein nepasad, ne midhendiyà si David te sibsivayan te Maon.

1 Samuel 7:17

Ne ebpekepasad ne ed-ulì maan sikandin diyà te Rama, su pengulu zaan sikandin te menge etew zutun. Ne mibaal sikandin dutun te pemuhatà para te Nengazen.