Zatù 3:6 - Manobo Western Bukidnon OT

⁶ Midtuǥutan te menge Israilihanen is menge anak dan te kebpemengesawa wey kebpemeesawa kayi he menge etew, ne mid-azap dan is menge ed-ezapen kayi he menge etew.

Zatù 3:6 ပူးပေါင်းရင်းမြစ်များ

Salmo 106:35

Nekidsevaha pa ganì sikandan te menge tig-Canaan, ne mid-iring dan te vetasan kayi he menge etew.

Exodus 34:15

Kenè kew mebpekid-uyun diyà te menge etew he ebpemen-ubpà diyà te tanà he ebeyaan niw, su emun ed-ezapen dan wey ebpemuhaten dan is menge ed-ezapen dan, ne egkehimu he edhinggaten kew zan te keduma kandan, ne egketintal kew te kegkaan te keenen he impemuhat dan diyà te menge ed-ezapen dan.

Exodus 34:16

Ne egkehimu zaan he ebpemengesawa ziyà te kandan is menge anak niw he maama, ne tenged dutun egkehimu he ed-azap dan te menge ed-ezapen dutun te menge etew.

Ezekiel 16:3

Keǥiyi nu sikandin he siak, is Nengazen he MEGBEVAYÀ, migkaǥi a ziyà te kandin te, ‘Sevaha ka he Canaanhen! Amorihanen is amey nu, ne Hitihanen is iney nu.

Josue 23:12

“Iyan, emun ed-iniyuǥan niw sikandin, wey ebpekidsevaha kew te menge etew kayi te menge nasyun he kemulu pa menge zuma niw, wey ebpekid-esawa kew kandan,