Zatù 3:1 - Manobo Western Bukidnon OT

¹ Midsemaan te Nengazen te menge etew is Canaan su egezaman din is menge Israilihanen he wazà mekesaǥad te kebpekidtebek diyà te Canaan.

Zatù 3:1 ပူးပေါင်းရင်းမြစ်များ

2 Cronica 32:31

Piru mibey-anan sikandin te Megbevayà hein nekeuma is menge upisyal he ebpemuun te Babilonia he nenginginsà mehitenged te egkein-inuwan he nehitavù diyà te Juda. Mibeelan heini te Megbevayà su wey metueni ke hengkey is diyà te gehinawa ni Hezekia.

Job 23:10

Piru netuenan din is menge vaal ku. Emun egkeǥezaman e zin en, egkeǥiyen din he lumpiyu a iring te lunsey he vulawan.

Exodus 15:25

Ne nengemuyù si Moises diyà te Nengazen, ne zuen riag he impaahà kandin te Nengazen. Intimbag ni Moises haazà dutun te wahig ne mibmeemis haazà is wahig. Ne zutun te Mara migezaman sikandan te Nengazen ne zutun din daan iveǥey is sulunuzen wey suǥù din kandan.

Erubasa 17:3

Is bulawan wey pelata, egezaman pinaaǥi te hapuy, ne egezaman daan te Nengazen is gehinawa te etew.

Jeremias 6:27

Migkaǥi is Nengazen kayi te kedì te, “Midhimu ku sikew he iring te pereǥezam te mital su wey nu meǥezami is menge vetasan te menge etew ku.

Zacarias 13:9

Is egkesamà he iketelu he vahin, ne edlumpiyuwan ku he iring te pelata he edhimuwen he lunsey pinaaǥi te hapuy. Ne egezaman ku sikandan iring te kegezam te kegkelunsey te vulawan he pinaaǥi te hapuy. Ed-ampù dan kayi te kedì ne ebpemineǥen ku sikandan. Egkaǥi a te, ‘Menge etew ku sikandan,’ ne egkaǥi zaan sikandan te, ‘Is Nengazen iyan Megbevayè dey.’ ”

Deuteronomio 7:22

Ibpetigdezeisey keniyu te Nengazen he Megbevayè niw is kedsegseg te menge etew keniyan he menge nasyun. Kenè niw sikandan diritsuwa emina, su emun ebeelan niw heeyan ne ebmahabet is leew he menge langgam.

Deuteronomio 8:16

Diyà te sibsivayan, ebeǥayan kew zin te ‘manna’–keenen he wazà hanew zuen te menge kepuun niw. Midhimu heini te Nengazen para kenè kew mekepelavew wey te kegezam keniyu su wey mebmeupiya is kebpekesavuk niw te huziyan he timpu.

Deuteronomio 8:2

Tentenuzi niw ke mibmenumenu te Nengazen he Megbevayè niw is kegiyahi zin keniyu zuen te hipanew niw ziyà te sibsivayan seled te 40 he tuig. Midhimu zin heini su para kenè kew mekepelavew, wey te kegezam keniyu su para metueni ke hengkey is netaǥù diyà te ǥehinawa niw, ke edtumanen niw ve is menge suǥù din etawa kenà.

Zatù 1:1

Hein minatey en si Josue, mid-insà is menge Israilihanen diyà te Nengazen ke hentei zuen te menge tribu zan is edhuna ebpekidtebek te menge Canaanhen.

Zatù 2:10

Ne hein nemematey en is menge etew zutun he lapis te kevuwazan, nekeilis is sunud he lapis te kevuwazan he wazà mekekilala te Nengazen wey wazè dan hanew ke hengkey is mibeelan te Nengazen para te Israel.

Zatù 2:23

Umbe, wazà petuluy segseǥa te Nengazen haazà is nesamà he menge etew wey wazè din ituǥut he mezaag sikandan ni Josue.

Zatù 3:2

Mibeelan heini te Nengazen su wey mepenurù te kebpekidtebek is menge kevuwazan te menge Israilihanen, he wazà mekesaǥad kayi.