Zatù 21:3 - Manobo Western Bukidnon OT

³ Ke sikandan te, “He Nengazen he Megbevayà te Israel, maan is nehitavù heini? Maan is neterinan en te sevaha he tribu is Israel?”

Zatù 21:3 ပူးပေါင်းရင်းမြစ်များ

Salmo 74:1

He Megbevayà, maan is ebpedayun en is ked-iniyuǥi nu kenami? Maan is nepeukan key kenikew is menge etew he ebentayan nu?

Salmo 80:12

He Megbevayà, maan is midrundus nu is menge verengbeng kayi te paras? Egketakew en hinuun te langun he sumeseǥazà is menge veǥas din.

Erubasa 19:3

Duen menge etew he edezeeten dan is keugelingen dan tenged te kedtinulebung dan, ne iyan ebesulan dan is Nengazen.

Isaias 63:17

Nengazen, maan is idtuǥut nu he mekesuwey key ziyà te menge paaǥi nu? Maan is ibpemezesen nu is gehinawa zey, he tenged kayi naawà is kedtahud dey kenikew? Seǥipaa key en maan kenikew, su menge suluǥuen key kenikew wey ǥaked key kenikew.

Jeremias 12:1

He Nengazen, layun hustu is kukuman nu emun edriklamu a ziyà te kenikew. Ne ǥuntaan ed-insà a mehitenged te hustu he kukuman nu: Maan is ed-uswag is menge lalung? Maan is dezeyaan is ked-ubpà te menge etew he midluib kenikew?

Deuteronomio 29:24

Ne ed-insà is menge etew ziyà te langun he menge nasyun te, ‘Maan is midhimu heeyan te Nengazen diyà te nasyun dan? Maan is utew sikandin nepauk?’

Zatù 21:2

Ne midhendiyà is menge Israilihanen te Betel ne mibpurung dan medsineǥew ziyà te etuvangan te Megbevayà taman te mezukilem.

Zatù 21:4

Kegkemeselem, mibaal sikandan te pemuhatà ne nemuhat dan te menge pemuhat he edtutungen wey menge pemuhat he para te meupiya he kedepità.