Zatù 2:7 - Manobo Western Bukidnon OT

⁷ Nenilbi sikandan te Nengazen hein uuyag pa si Josue. Wey minsan hein minatey en si Josue mibpedayun gihapun sikandan he ebpenilbi te Nengazen dutun te uuyag pa sikan is ebpemendumala he nemekaahà te langun he egkein-inuwan he mibeelan te Nengazen para te Israel.

Zatù 2:7 ပူးပေါင်းရင်းမြစ်များ

2 Hadì 12:2

Metazeng is baal zin diyà te etuvangan te Nengazen seled te tivuuk he untung din, su mibpenurù sikandin ni Jehoyada he memumuhat.

2 Cronica 24:2

Meupiya is ulaula ni Joash diyà te etuvangan te Nengazen dutun te uuyag pa si Jehoyada he memumuhat.

Josue 24:31

Nenilbi te Nengazen is menge Israilihanen dutun te kaazen pa ni Josue. Ne minsan te minatey en si Josue mibpedayun dan gihapun he ebpenilbi te Nengazen dutun te uuyag pa is ebpemendumala te menge Israilihanen he nengetau te langun he mibeelan te Nengazen para te Israel.

Zatù 2:17

Piru wazè dan pemineǥa is menge pengulu zan. Kekenà, mid-iniyuǥan dan is Nengazen ne mid-azap dan is duma he menge ed-ezapen. Kenè dan iring te menge kepuun dan su utew zà melemu ziyà te kandan is ked-iniyug te menge suǥù te Nengazen he midtuman mulà dengan te menge kepuun dan.

Zatù 2:6

Duen te kebpeǥenata ni Josue te menge Israilihanen, ne migenat dan ne mid-angken is kada sevaha kandan dutun te tanà he para kandan.

Zatù 2:8

Minatey is anak ni Nun he si Josue he suluǥuen te Nengazen te keǥurang he 110 he tuig.