Zatù 2:5 - Manobo Western Bukidnon OT

⁵ Umbe, migngezanan dan haazà is lugar te Bokim. Ne mibpemuhat dan is Nengazen dutun.

Zatù 2:5 ပူးပေါင်းရင်းမြစ်များ

Genesis 35:8

Ne zutun, minatey si Debora he mid-uyamu zengan ki Rebeka. Ne ziyà ileveng sikandin te sihung te kayu he ulayan he ziyà te alug te Betel. Egngezanan haazà he kayu he Alon Bacut, he ke và egkeǥiya, “kayu he midsineǥawan.”

Josue 7:26

Ne kegkepasad dutun, midtembuan dan te vatu si Acan. Ne taman en guntaan dutun pa haazà is menge vatu. Ne haazà he lugar migngezanan te Suǥud te Acor taman guntaan. Ne tenged kayi naawà is pauk te Nengazen.

Zatù 13:19

Ne migkuwa si Manoa te nati he kambing wey pemuhat he para gasa, ne impemuhat din diyà te pemuhatà he vatu he para te Nengazen. Ne zutun te kedtengteng ni Manoa wey te esawa zin, mibaal is Nengazen te egkein-inuwan.

Zatù 2:1

Midhendiyà is belinsuǥuen te Nengazen te Bokim he ebpuun te Gilgal. Ne migkeǥiyan din is menge Israilihanen te, “Impeǥawas ku sikiyu puun te Ehipto, ne mid-uwit ku sikiyu kayi he tanà te impenaad ku ziyà te menge kepuun niw. Ne migkaǥi a zengan he kenè ku edèdeetan is kebpekid-uyun ku keniyu.

Zatù 2:4

Ne hein nezineg haazà te menge Israilihanen, nemekesineǥew sikandan.

Zatù 2:6

Duen te kebpeǥenata ni Josue te menge Israilihanen, ne migenat dan ne mid-angken is kada sevaha kandan dutun te tanà he para kandan.

Zatù 6:24

Ne mibaal zutun si Gideon te pemuhatà para te Nengazen ne migngezanan din haazà te, “Ebeǥey te Kelinew is Nengazen.” Ne taman en guntaan kemulu heini he pemuhatà diyà te Ofra, diyà te tanà te menge kevuwazan ni Abiezer.

1 Samuel 7:9

Ne zutun migkuwa si Samuel te kerehidu he wazè pa lutasa ne midhimetayan din ne midtutung din haazà is senge vuuk he pemuhat he edtutungen para te Nengazen. Nengemuyù sikandin diyà te Nengazen su ebpekitavang para te Israel ne midtavak sikandin te Nengazen.