Zatù 2:3 - Manobo Western Bukidnon OT

³ Umbe ǥuntaan, kenè ku sikandan edsegseǥen puun te tanè niw. Ne egkeiring sikandan te zuǥi ziyà te ibayè niw, ne sikan is ebpen-ezapen dan egkehimu he zekelà he penggezam keniyu.”

Zatù 2:3 ပူးပေါင်းရင်းမြစ်များ

Salmo 106:36

Mid-azap dan is menge ed-ezapen kayi he menge etew, ne iyan haazà nekeveǥey kandan te kezeetan.

Exodus 23:33

Kenè niw sikandan ipeubpà diyà te tanè niw, su iyan sikandan ibpekesalè niw kayi te kediey. Su emun ed-azap kew te menge ed-ezapen dan, ne iring heini te penuǥes he ebpekeutel keniyu.”

Exodus 34:12

Kenè ka mebpekid-uyun diyà te menge etew he ebpemen-ubpà diyà te tanà he ebeyaan niw, su ebpekekaid keniyu is kebpekid-uyun niw kandan.

Numero 33:55

“Iyan, emun kenè niw edsegseǥen is menge meǥinged duen, is egkesamà kandan egkehimu he velavag diyà te egkehunaan niw; egkehimu sikandan he pesek te menge mata niw wey duǥi ziyà te tengkilizan niw. Ebpekeveǥey sikandan te kesamuk te ked-ubpè niw.

Deuteronomio 7:16

Kinahanglan he egeraan niw is langun he menge etew he ibeǥey keniyu te Nengazen he Megbevayè niw. Kenè niw sikandan kehizuwi, wey kenè kew mebpenilbi te kandan he menge ed-ezapen su pekaid heini keniyu.

Josue 23:13

siguradu kenè en edsegseǥen te Nengazen he Megbevayè niw heini he menge etew. Egkehimu sikandan he pekaid keniyu. Egkesekitan kew tenged kandan he henduen be te edletiguwen is menge peka niw etawa edtiyuken te zuǥi is menge mata niw. Ne kenà heini egkeengked taman te kebpemematey niw kayi te meupiya he tanà he imbeǥey keniyu te Nengazen he Megbevayè niw.

Zatù 2:21

kenè ku en edsegseǥen is menge etew he nesamà dutun te tanà he wazà mesakup ni Josue zutun te uuyag pa sikandin.

Zatù 2:4

Ne hein nezineg haazà te menge Israilihanen, nemekesineǥew sikandan.

Zatù 3:6

Midtuǥutan te menge Israilihanen is menge anak dan te kebpemengesawa wey kebpemeesawa kayi he menge etew, ne mid-azap dan is menge ed-ezapen kayi he menge etew.

Zatù 8:27

Ne haazà is netiǥum he vulawan, mibpeveelan ni Gideon he ipud ne impelastar zin haazà diyà te Ofra he iyan inged din. Ne zutun mid-iniyuǥan en maan te menge Israilihanen is Megbevayà su iyan dan ed-ezapen haazà is mibpeveelan ni Gideon. Nehimu haazà he zekelà he penggezam ki Gideon wey te pemilya zin.