Zatù 2:18 - Manobo Western Bukidnon OT

¹⁸ Is langun he menge pengulu he imbeǥey te Nengazen kandan ne midtevangan te Nengazen. Ne mintras uuyag pa is menge pengulu zan pedayun is kedlibriya kandan te Nengazen puun te menge kuntada zan. Su nehizuwan din sikandan dutun te kedag-es dan tenged te menge kemeresayan dan te kedèdaaǥa wey kebpesipelahi kandan.

Zatù 2:18 ပူးပေါင်းရင်းမြစ်များ

Genesis 6:6

Ne neisip din he zeyzey pezem ke wazè din limbaǥa is menusiyà ne utew sikandin dutun neseeng.

2 Hadì 13:4

Mibpengemuyù si Jehoahaz diyà te Nengazen, ne mibpemineg kandin is Nengazen, su naahà te Nengazen is utew subra he kedlisliseza te hadì diyà te Aram te menge Israilihanen.

Salmo 12:5

Migkaǥi is Nengazen te, “Edtevangan ku is menge egkaayuayu su edèdaaǥen sikandan, ne utew subra is kebpekeantus dan. Egkelesaǥan ku sikandan su iyan heini ebperetengen dan.”

Salmo 90:13

Nengazen, sengemenu keluǥayad is kegkepeuki nu kenami? Seǥipaa key en wey kehizuwi key en is menge suluǥuen nu.

Exodus 2:24

Nezineg te Megbevayà is dag-es dan, ne netenuzan din is paaǥi te kebpekid-uyun din diyà te ki Abraham, ki Isaac, wey ki Jacob.

Exodus 3:12

Ne migkaǥi is Megbevayà te, “Eduma a kenikew. Ne is egkehimu he singyal he iyan a midsuǥù kenikew iyan is: Emun igkepeǥawas nu en sikandan puun te Ehipto, ne kayi a keniyu ed-ezapa te vuvungan.”

Exodus 32:14

Ne tenged kayi wazè ded leusi te Nengazen te edezaat is menge etew zin.

Hoseas 11:8

“Sikiyu is menge tig-Israel, kenè ku egkehimu is kedselikwey wey kebey-ani keniyu. Kenè ku egkehimu is kebpurungi kedezeeti keniyu iring te mibeelan ku ziyà te inged he Adma wey Zeboyim. Utew ebmesakit is gehinawa ku emun ebeelan ku heini ziyà te keniyu. Nehizuwan ku sikiyu.

Jonas 3:10

Ne hein naahà te Megbevayà is mid-ulaula zan he iyan is ked-engkezi zan te mezaat he menge ulaula, nehizuwan din sikandan ne wazè din sikandan leusi te edlimas.

Numero 10:9

“Emun diyè kew en te tanè niw, ne ebpekidtebek kew te menge kuntada niw he edrasey keniyu, ipezaǥing niw is menge trumpita su para siak is Nengazen he Megbevayè niw, egketenuzan ku sikiyu ne edlibriyen ku sikiyu te kedezaat te menge kuntada niw.

Deuteronomio 32:36

Edhukum is Nengazen he edlavan te menge etew zin; egkehizuwan din sikandan is menge suluǥuen din, emun egkeehè din he wazè dan en desen wey zeisey zà is egkesamà kandan, uripen man etawa kenà uripen.

Josue 1:5

“Wazà ebpekezaag kenikew mintras uuyag ke pa. Su ebpekiduma a kenikew iring te kebpekiduma ku ki Moises. Kenè ku sikew ed-ewaan wey ebpesegdanen.

Zatù 10:16

Ne zutun mid-iniyuǥan dan is menge ed-ezapen dan ne iyan dan mid-azap is Nengazen. Ne hein neuǥet kenè en egkaantus te Nengazen is kegkaahaa zin kandan te egkengerasey ne nehizuwan din sikandan.

Zatù 11:32

Nekidtebek si Jefta te menge Amunihanen, ne mibpengelinteuwan te Nengazen he mekezaag sikandin.

Zatù 2:19

Iyan, emun ebpatey en is pengulu zan, ne edlikuan dan en maan is daan he vaal zan wey edhuna pa is kandan he kebaal te salà te menge kepuun dan. Nenilbi zan wey mid-azap dan is duma he menge ed-ezapen ne wazè dan engkezi is mezaat he menge vaal wey is kebmesinupaken dan.

Zatù 3:9

Piru hein mibuyù te tavang is menge Israilihanen diyà te Nengazen, mibegayan din sikandan te sevaha he etew he ebpekelibri kandan. Iyan sikandin si Otniel he anak ni Kenaz te hazi ni Caleb.

Zatù 6:12

Ne mibpaahà ki Gideon is belinsuǥuen te Nengazen ne migkaǥi te, “Sikew is mevurut wey mezesen he etew, duma nu is Nengazen.”

Zatù 6:16

Migkaǥi is Nengazen te, “Edtevangan ku sikew, ne egkehimu nu te edezaat is menge Midianhen he henduen te ebpekidtebek ke zà te sevaha he etew.”