Zatù 2:16 - Manobo Western Bukidnon OT

¹⁶ Mibeǥayan te Nengazen is Israel te menge pengulu he edlibri kandan te menge tulisan he edsurung kandan.

Zatù 2:16 ပူးပေါင်းရင်းမြစ်များ

2 Samuel 7:11

puun pa te timpu te kedsevuki ku te menge pengulu te menge etew ku he Israilihanen. Ebeǥayan ku te kelinew is ginhedian nu, ne wazè en kuntada he ebpekeseled dutun. Iyan a, is Nengazen, migkaǥi kenikew he iyan edhadì layun is sevaha te menge kevuwazan nu.

Nehemias 9:27

Umbe, imbeǥey nu sikandan diyà te menge kuntada zan he midlisedlised kandan. Piru hein edlislisezen en sikandan mibuyù dan diyà te kenikew te tavang, ne mibpemineg nu ǥihapun sikandin diyà te langit. Ne tenged te zekelà he hizu nu kandan, mibeǥayan nu sikandan te menge pengulu he ebpekepeǥawas kandan puun te ǥehem te menge kuntada zan.

Zatù 10:1

Hein minatey en si Abimelec, si Tola he anak ni Pua wey apù ni Dodo iyan nengulu te kedlibri te Israel. Ebpuun sikandin diyà te tribu ni Isacar, piru ziyà sikandin ed-ubpà te Shamir he diyà te vuvungan te Efraim.

Zatù 11:32

Nekidtebek si Jefta te menge Amunihanen, ne mibpengelinteuwan te Nengazen he mekezaag sikandin.

Zatù 3:15

Piru, hein mibuyù en maan te tavang is menge Israilihanen diyà te Nengazen, ne mibeǥayan din sikandan te sevaha he etew he ebpekelibri kandan. Iyan sikandin kes givang he si Ehud he anak ni Gera he ebpuun diyà te tribu ni Benjamin. Impehendiyà sikandin te menge Israilihanen te Moab su wey zin ikeveǥey is buhis te Israel ziyà te ki Hadì Eglon.

Zatù 3:31

Is nekesunud ki Ehud he pengulu iyan si Shamgar he anak ni Anat. Midlibri zin is Israel puun te menge Filistihanen. Menge 600 he menge Filistihanen is mibpenhimetayan din pinaaǥi te tuked he gelemiten te kedsegseg te vaka.

Zatù 4:5

Emun ebpehusey is menge Israilihanen te samuk dan diyà te ki Debora, edhendiyè dan te sihung te Palma ni Debora, ziyà te pid-elangan te Rama wey Betel he ziyà te vuvungan te Efraim.

Zatù 6:14

Ne migkaǥi is Nengazen diyà te kandin te, “Genat ka ne ǥemita nu is tivuuk he zesen nu te kedlibri te menge Israilihanen puun te ǥehem te menge Midianhen. Iyan a midsuǥù kenikew.”

Ruth 1:1

Dengan te timpu he zatù pa is edumala te menge tig-Israel duen mid-aǥi he utew mepait he vitil. Ne zuen maama he meǥinged diyà te Betlehem he inged diyà te prubinsya he Juda he tenged dutun te vitil miduma zin is esawa zin wey is menge anak din he maama he zezuwa ne midteǥaad dan medhalin diyà te tanà he Moab.

1 Samuel 12:11

Ne midsuǥù te Nengazen si Gideon, si Barak, si Jefta wey siak, su midluwas dey sikiyu puun te kedsekupa keniyu te menge kuntada niw kayi te nekelingut, umbe guntaan meupiyè en is ked-ubpè niw.

1 Samuel 14:48

Mevurut sikandin he ebpekidtebek, wey nezaag din daan is menge Amalikanhen. Te heini he paaǥi midluwas din is menge Israilihanen puun te gehem te langun he menge midsurung kandan wey te mibpen-aǥew te menge azen dan.