Zatù 18:2 - Manobo Western Bukidnon OT

² Umbe, mibpilì is menge kevuwazan ni Dan te lelima he memevurut he menge maama ziyà te tribu zan he iyan ebpen-ahà te egkeubpaan dan. Heini is lelima he maama ebpuun diyà te inged he Zora wey Eshtaol. Ne hein midhipanew zan en is ebpen-ahà te lugar, nekeuma zan diyà te valey ni Micas diyà te vuvungan te Efraim, ne zutun sikandan medlipezeng.

Zatù 18:2 ပူးပေါင်းရင်းမြစ်များ

Erubasa 20:18

Emun duen ebpelenuwen nu, kinahanglan he ebpekisambag ka ziyà te zuma. Kenè ka hendiyà te tebek emun wazè ka mebpesambag diyà te zuma.

Numero 13:17

Hein wazè pa sikandan ipeǥenat ni Moises su wey zan mekepeniid diyà te Canaan, migkeǥiyan din sikandan te, “Hipanew kew pehendiyà te zizaya ne hendiyè kew te Negev.

Josue 15:33

Is menge inged diyà te menge mibuntud-buntud diyà te edsenlepan iyan is: Eshtaol, Zora, Ashna,

Josue 19:41

Iyan heini menge inged he nesakup dan: Zora, Eshtaol, Ir Shemesh,

Josue 2:1

Ne zutun meeles he midsuǥù ni Josue is dezuwa he etew puun te kampu te menge Israilihanen diyà te Shitim su para mekepeniid diyà te Canaan, lavew en te inged he Jerico. Ne hein nekeuma ziyà te Jerico haazà is dezuwa he meniniid, ne ziyè dan medateng te valey ni Rahab; heini he vahi ebelegyà te zengeg din.

Josue 2:2

Ne netudtulan is hadì diyà te Jerico, he zutun he kezukileman duen nekeuma he menge Israilihanen te kebpeniid kandan.

Zatù 13:2

Dutun he timpu zuen sevaha he maama he iyan ngazan din si Manoa he sakup te tribu ni Dan, ne ziyà sikandin ed-ubpà te Zora. Ne kenà ed-anak is esawa zin.

Zatù 13:25

Is Mulin-ulin te Nengazen mibpuun med-ulin kandin hein diyà sikandin te Mahane Dan, he ziyà te pid-elangan te Zora wey Eshtaol.

Zatù 16:31

Midhendiyà te Gaza is menge suled ni Samson wey menge kezuzumahi zin, ne migkuwa zan is lawa zin, ne inleveng dan diyà te midlevengan te amey zin he si Manoa ziyà te pid-elangan te Zora wey Eshtaol. Mibpenguluwan ni Samson is Israel seled te 20 he tuig.

Zatù 17:1

Duen sevaha he etew he meǥinged diyà te vuvungan te Efraim he iyan ngazan din si Micas.

Zatù 18:11

Umbe, migenat puun te Zora wey Eshtaol is 600 he neǥumeenan he menge etew he sakup te tribu ni Dan su ebpekidtebek dan.

Zatù 18:13

Ne puun dutun, mibpedayun sikandan medhipanew taman te nekeuma sikandan diyà te valey ni Micas he ziyà te vuvungan te Efraim.

Zatù 18:3

Ne hein dutun sikandan, netuusan dan diyà te kegkaǥi zuen te vetan-en he Levihanen he kenè sikandin meǥinged dutun. Umbe mid-insaan dan sikandin te, “Maan is kayi ka? Hentei is miduma kenikew kayi? Hengkey is baal nu kayi?”

Zatù 18:8

Ne hein midlikù diyà te Zora wey Eshtaol haazà is lelima he maama, mid-insaan sikandan te menge zuma zan ke hengkey is neehè dan.

Zatù 19:1

Dutun he timpu te wazè pa hadì te Israel, duen sevaha he Levihanen he meǥinged diyà te meziyù he vahin diyà te vuvungan te Efraim. Heini he Levihanen migkuwa sikandin te vahi he mid-esawa zin puun te Betlehem he sakup te Juda.

Zatù 19:18

Midtavak haazà is Levihanen te, “Diyè key ebpuun te Betlehem he sakup te Juda ne ed-ulì key ziyà te valey zey he ziyà te vuvungan te Efraim. Wazà midhinggat kenami wey key mekelaus diyà te valey zin.