Zatù 17:8 - Manobo Western Bukidnon OT

⁸ Ne sevaha he andew, midhipanew sikandin is ebpen-ahà te egkeubpaan din diyà te zuma he lugar. Dutun te kedhipanew zin, nekeuma sikandin diyà te valey ni Micas he ziyà te vuvungan te Efraim.

Zatù 17:8 ပူးပေါင်းရင်းမြစ်များ

Josue 24:33

Minatey zaan si Eleazar is anak ni Aaron ne inleveng diyà te Gibea, kes inged diyà te vuvungan te Efraim he imbeǥey ziyà te anak din he si Finehas.

Zatù 17:11

Ne mid-uyun haazà is Levihanen dutun te migkaǥi ni Micas ne mid-isip sikandin ni Micas he sevaha te menge anak din.

Zatù 17:7

Duen sevaha he vetan-en he maama he tig-Betlehem he sakup te Juda. Sevaha sikandin he Levihanen he midteǥaad med-ubpà duma te tribu ni Juda.

Zatù 17:9

Mid-insaan sikandin ni Micas te, “Hendei ka ebpuun?” Midtavak sikandin te, “Tig-Betlehem a he sakup te Juda. Ne sevaha a te menge Levihanen. Ebpen-ahà a te egkeubpaan ku.”

Ruth 1:1

Dengan te timpu he zatù pa is edumala te menge tig-Israel duen mid-aǥi he utew mepait he vitil. Ne zuen maama he meǥinged diyà te Betlehem he inged diyà te prubinsya he Juda he tenged dutun te vitil miduma zin is esawa zin wey is menge anak din he maama he zezuwa ne midteǥaad dan medhalin diyà te tanà he Moab.