Zatù 17:4 - Manobo Western Bukidnon OT

⁴ Ne migkuwa sikan is iney zin te 200 he pelata ne imbeǥey zin diyà te menenalsal te pelata. Ne migamit haazà he apid te menge ledawan he kayu. Ne hein nepasad en, diyà isavuk heini te valey ni Micas.

Zatù 17:4 ပူးပေါင်းရင်းမြစ်များ

Isaias 30:22

Igkeremerik niw en is menge ed-ezapen niw he mibpekeplaan te pelata wey vulawan. Idtimbag niw heini iring te meremerik he terapu, ne egkaǥi kew te, “Kenè ku en sikiyu egkesuatan te ed-ahà!”

Isaias 44:13

Is pandey te kayu edsukuzen din is sengetamped he kayu. Edtuusan din heini ne ebpurmahan din he etew pinaaǥi te menge himan din ne ebeelan din heini te mekempet he zagwey te etew ne ibpelastar zin diyà te simbahan.

Habakuk 2:18

“ ‘Hengkey is pulus te zuma he menge ed-ezapen? Kayu zè man heeyan etawa mital he mibeelan te etew, ne kenè man heeyan ebpekekaǥi mehitenged te tutuu. Ne maan is midtuuwan heeyan te menge etew he mibaal zuen? Kenà ganì heeyan ebpekekaǥi.

Deuteronomio 27:15

“Rinewakan is etew he ebaal te minsan hengkey he ledawan he ed-ezapen, batu etawa kayu etawa brunsi minsan meeles dà is ked-ezapa zin kayi. Su heini he menge ed-ezapen is bineelan dà te etew, utew egkeepesi te Nengazen.” Ne edtavak is langun te, “Amen!”

Zatù 17:5

Duen keugelingen ni Micas he simbahan he para te menge ed-ezapen. Ne mibaal sikandin te ipud wey menge ledawan. Midhimu zin he memumuhat is sevaha te menge anak din he maama.