Zatù 16:9 - Manobo Western Bukidnon OT

⁹ Dutun duen nepipira he menge Filistihanen he mid-eles diyà te zivaluy he ruǥu. Ne mibensag si Delila te, “Samson, duen menge Filistihanen he nekeuma su edekepen ke zan.” Piru mibpemidtew zà ni Samson is imbakus kandin he henduen dà te menge tanur he netutung te hapuy. Wazè dan pa metueni is hinungdan te kezesen din.

Zatù 16:9 ပူးပေါင်းရင်းမြစ်များ

Salmo 58:9

Dezeeti nu sikandan, batà etawa meǥurang. Dezeeti sikandan he meǥaan pa te ed-initen he ziniyun he edtevunan te menge zezeisey he kayu.

Zatù 15:14

Hein nekeuma zan diyà te Lehi, midsinuǥung sikandin te menge Filistihanen he ebpememensag. Midumala si Samson te Mulin-ulin te Nengazen su nengebidtew is imbakus kandin he iring dà te tanur he edtutungen ne nengeulug heini puun te menge velad din.

Zatù 16:10

Migkeǥiyan ni Delila si Samson te, “Midlimbungan e zà kenikew; midterteruan a kenikew. Sigi en, keǥiyi ad kenikew te paaǥi te kegkevekusa kenikew.”

Zatù 16:7

Midtavak si Samson te, “Emun ebekusen a te pitu he mehilew pa he tabpes te panà, egkeiring dà is desen ku te zesen te zuma he menge etew.”

Zatù 16:8

Hein netuenan haazà te menge pengulu te menge Filistihanen, mibeǥayan dan si Delila te pitu he mehilew he tabpes te panà ne mibakus din si Samson.