Zatù 16:15 - Manobo Western Bukidnon OT

¹⁵ Umbe, migkeǥiyan sikandin ni Delila te, “Egkeǥiyen nu he mahal a kenikew, piru kenè bes tutuu. Su ketetelu ad kenikew limbungi. Wazè nu keǥiya kedì ke hendei ebpuun is desen nu.”

Zatù 16:15 ပူးပေါင်းရင်းမြစ်များ

Zatù 14:16

Umbe, midhendiyà te ki Samson haazà is bahi he edsineǥew. Ke sikandin te, “Wazè e ves kenikew mahala. Su impeentuk nu is menge kezumahan ku piru wazè nu keǥiya kayi te kediey is entuk.” Midtavak si Samson te, “Wazè ku man ganì keǥiya ziyà te menge ginikanan ku ne ziyè ku en be nasì egkegiya te kenikew.”

Erubasa 23:26

Mama, pemineǥa nu purungi is egkeǥiyen ku, ne sunuza nu is menge ulaula ku.

Erubasa 2:16

Pinaaǥi te ketau, ebpekelikey ka wey ka kenà metintal emun edtintalen ka te vahi he edsalàsalà pinaaǥi te menge lalag he ebpeketintal.

2 Samuel 16:17

Mid-insaan ni Absalom si Hushai te, “Hendei en is kebpekid-unung nu te emiǥu nu he si David? Maan is wazè ka meduma kandin?”

Deuteronomio 6:5

Mahala niw is Nengazen he Megbevayè niw ziyà te tivuuk he ǥehinawa niw, kedsavut niw, wey te tivuuk he zesen niw.

Genesis 29:20

Ne zutun, impepeniwakà ni Laban si Jacob taman te pitu he tuig wey zin meesawa si Raquel. Tenged te utew zin nesuati si Raquel henduen te pira zà he andew ziyà te kandin haazà is pitu he tuig.

Zatù 16:14

Umbe, hein nekelipezeng si Samson, inhiket ni Delila is pitu he selapid te vulvul ni Samson diyà te lilizen te hevelan, ne nemensag sikandin te, “Samson, duen nekeuma he menge Filistihanen su edekepen ke zan.” Ne mid-enew si Samson ne nelaglag is hevelan wey hinavel.

Zatù 16:16

Andew-andew is kebpenginginsà dutun te vahi ki Samson ne hein neuǥet kenè en sikandan ebpekaantus.

Nehemias 6:4

Keheepat e zan peuwiti te iyan ded he lalag, ne keheepat ku zaan sikandan tevaka te iyan ded he lalag.