Zatù 16:10 - Manobo Western Bukidnon OT

¹⁰ Migkeǥiyan ni Delila si Samson te, “Midlimbungan e zà kenikew; midterteruan a kenikew. Sigi en, keǥiyi ad kenikew te paaǥi te kegkevekusa kenikew.”

Zatù 16:10 ပူးပေါင်းရင်းမြစ်များ

Nehemias 6:4

Keheepat e zan peuwiti te iyan ded he lalag, ne keheepat ku zaan sikandan tevaka te iyan ded he lalag.

Erubasa 24:28

Kenè ka penistiǥus he kaatbang te idsumbung he siringan nu emun kenè ka zait he ebpenistiǥus dutun he kasu.

Ezekiel 33:31

Umbe, ed-uvey is menge etew ku ziyà te kenikew iring duen te layun dan ebeeli, ebpinuu zan diyà te etuvangan nu he henduen be te tutuu he ebpemineg dan kenikew, piru iyan benar is wazè dan tumana is mibpengaǥi nu. Netuleng dan dà te kegkaǥi he mahal e zan, piru iyan diyà te ǥehinawa zan is dekelà he kadar te selapì.

Zatù 16:11

Migkaǥi si Samson te, “Emun ebekusen a te beǥu he pisì he wazè pa meǥamit, egkeiring dà is desen ku te zesen te zuma he menge etew.”

Zatù 16:13

Umbe, migkaǥi en maan si Delila te, “Taman en guntaan is kedlimbungi nu wey kedterteru-i nu kedì. Sigi en, keǥiya nu en is paaǥi te kegkevekusa kenikew.” Migkaǥi si Samson te, “Emun idragkes te edhavel is pitu he selapid te vulvul ku ziyà te lilizen te hevelan, ne egkeiring dà is desen ku te zesen te zuma he menge etew.”

Zatù 16:7

Midtavak si Samson te, “Emun ebekusen a te pitu he mehilew pa he tabpes te panà, egkeiring dà is desen ku te zesen te zuma he menge etew.”

Zatù 16:9

Dutun duen nepipira he menge Filistihanen he mid-eles diyà te zivaluy he ruǥu. Ne mibensag si Delila te, “Samson, duen menge Filistihanen he nekeuma su edekepen ke zan.” Piru mibpemidtew zà ni Samson is imbakus kandin he henduen dà te menge tanur he netutung te hapuy. Wazè dan pa metueni is hinungdan te kezesen din.