Zatù 15:8 - Manobo Western Bukidnon OT

⁸ Midsurung din sikandan ne utew mahabet is nepatey zin. Ne liwas dutun mibpelaǥuy sikandin ne mid-eles diyà te surung diyà te pangpang he ziyà te Etam.

Zatù 15:8 ပူးပေါင်းရင်းမြစ်များ

2 Cronica 11:6

Betlehem, Etam, Tekoa,

Isaias 25:10

Benar iyan, edtevangan te Nengazen is menge etew ziyà te Buvungan he Zion, ne edsilutan din mulà is menge tig-Moab. Edtekutakan din sikandan iring te kedtekutaki te reǥami ne ebpesegdanen en he meredak.

Isaias 63:3

Midtavak is Nengazen te, “Tenged te pauk ku migkeres ku is menge etew ziyà te menge nasyun iring te paras. Iyan e zà migkeres kayi, ne wazà miduma kedì. Is lengesa zan, midresik diyà te visti ku, umbe nezekiyan heini.

Isaias 63:6

Tenged te pauk ku, midtekutakan ku is menge nasyun, ne impeziregdireg ku sikandan he iring te egkengelangut. Imperanew ku ziyà te tanà is lengesa zan.”

Zatù 15:10

Umbe, mid-insaan sikandan te menge tig-Juda te, “Maan is edsurungen key keniyu?” Ne midtavak dan te, “Wey zey mezekepi si Samson su ebelesan dey tenged te mibeelan din diyà te kenami.”

Zatù 15:11

Umbe is 3,000 he menge maama ziyà te Juda midhendiyà te surung diyà te pangpang he ziyà te Etam, ne migkeǥiyan dan si Samson te, “Wazè nu ve metueni he sakup kiw te menge Filistihanen? Ne ǥuntaan neuwit-uwit key te mibeelan nu.” Midtavak si Samson te, “Mibales e zà te mibeelan dan kediey.”

Zatù 15:7

Migkeǥiyan ni Samson is menge Filistihanen te, “Tenged kayi te mibeelan niw, ne kenà a ed-engked he ebpenhimatey taman te ebpekevales a keniyu.”

Zatù 15:9

Dutun he timpu migkampu is menge Filistihanen diyà te Juda, ne midsurung dan is inged he Lehi he sakup te Juda.