Zatù 14:9 - Manobo Western Bukidnon OT

⁹ Migkuwa sikandin duen te teneb ne migkaan din dutun te kedhipanew zin. Ne hein nelambag din is menge ginikanan din, mibeǥayan din te teneb, ne migkaan dan haazà. Piru wazè din sikandan tudtuli he ziyè din haazà mekuwa te lawa zuen te minatey he erimaung.

Zatù 14:9 ပူးပေါင်းရင်းမြစ်များ

Erubasa 24:13

Mama, kaan ka te teneb su meupiya heini para kenikew,

Erubasa 25:15

Is kebmepelevayen wey menayù he kegkaǥikaǥi ne ebpekeuwit te menge pengulu minsan te menge mezesen is gehinawa.

Zatù 14:10

Ne midhendiyà is amey ni Samson te valey zuen te egkehimu he ambey zin, ne zutun te valey nengemuran si Samson su vetasan dan he egastu is ebpengesawa.

Zatù 14:8

Ne hein midlavey en is nepipira he andew, midlikù sikandin diyà te Timnah su ed-esewaan din en sikan is bahi. Ne midtuluy sikandin duen te lugar he zutun din mepatey sikan is erimaung, ne neehè din is mahabet he menge petiyukan wey is teneb dan diyà te lawa zuen te erimaung.

1 Samuel 10:16

Midtavak si Saul te, “Mibpesarig sikandin he egkeehè ded kes menge asnu.” Piru wazà keǥiya ni Saul ziyà te anggam din is migkaǥi ni Samuel mehitenged te kegkehimuwa kandin he hadì.

1 Samuel 14:1

Ne sevaha he andew, migkeǥiyan ni Jonatan kes betan-en he tig-uwit te ǥumaan din te, “Hengkayi ke en, su edhendiyè ki te bentayà te menge Filistihanen su ebpeniid ki.” Piru wazè din ipetukew is amey zin te mibeelan din.