Zatù 12:8 - Manobo Western Bukidnon OT

⁸ Hein minatey en si Jefta, iyan nekeilis kandin te kebpengulu te Israel si Ibzan he tig-Betlehem.

Zatù 12:8 ပူးပေါင်းရင်းမြစ်များ

Genesis 15:19

Heini he tanà iyan guntaan ed-ubpaan te menge Kinhanen, menge Kinisihanen, menge Kidmunihanen,

Micas 5:2

Migkaǥi is Nengazen te, “Sikew, Betlehem Efrata, sevaha ka te kinezeisayan he inged diyà te Juda. Piru ziyà ebpuun te kenikew is etew he ebpenilbi kedì he pengulu te Israel, he is menge kepuun din nevantug dengan he menge etew.”

Josue 19:15

Ne 12 he dezekelà he inged is nesakup te Zebulun, ne ebpekeuman kayi is dezeisey he menge inged diyà te peliǥuy kayi he menge inged. Nekeuman pa kayi is menge inged he Katat, Nahalal, Shimron, Idala, wey Betlehem.

Zatù 10:1

Hein minatey en si Abimelec, si Tola he anak ni Pua wey apù ni Dodo iyan nengulu te kedlibri te Israel. Ebpuun sikandin diyà te tribu ni Isacar, piru ziyà sikandin ed-ubpà te Shamir he diyà te vuvungan te Efraim.

Zatù 12:7

Mibpenguluwan ni Jefta is Israel seled te heenem he tuig. Ne hein minatey en sikandin, inleveng sikandin diyà te sevaha he inged diyà te Gilead.

Zatù 12:9

Si Ibzan duen din 60 he anak: 30 he menge maama wey 30 daan he menge vahi. Impepengesawa zin wey impemeesawa zin is menge anak din te kenà sakup te tribu zan. Mibpenguluwan din is Israel seled te pitu he tuig.

Zatù 17:7

Duen sevaha he vetan-en he maama he tig-Betlehem he sakup te Juda. Sevaha sikandin he Levihanen he midteǥaad med-ubpà duma te tribu ni Juda.

Zatù 19:1

Dutun he timpu te wazè pa hadì te Israel, duen sevaha he Levihanen he meǥinged diyà te meziyù he vahin diyà te vuvungan te Efraim. Heini he Levihanen migkuwa sikandin te vahi he mid-esawa zin puun te Betlehem he sakup te Juda.

1 Samuel 16:1

Neuma is timpu zutun, ne migkeǥiyan te Nengazen si Samuel te, “Sengemenu ves keluǥayad is kedlalew nu ki Saul? Id-awè ku en sikandin he hadì te Israel. Guntaan penua nu te lana heeyan is teleǥuey nu he sungey, ne hendiyè ka te ki Jesse he tig-Betlehem, su mibpilì ku is sevaha zutun te menge anak din he iyan egkehimu he hadì.”