Zatù 11:2 - Manobo Western Bukidnon OT

² Duen menge anak ni Gilead diyà te tutuu he esawa zin. Ne hein dezekelè en sikandan, midsegseg dan si Jefta. Ke sikandan te, “Wazè nu egkepengevilin diyà te amey zey su selakew en he vahi is iney nu.”

Zatù 11:2 ပူးပေါင်းရင်းမြစ်များ

Genesis 12:10

Ne mid-aǥi is bitil zutun te tanà ne tenged dutun midhipanew si Abram pehendiyà te tanà he Ehipto su wey zan mekeubpà diyà.

Genesis 21:10

Umbe migkaǥi si Sara ziyà te ki Abraham te, “Segseǥa nu heeyan is uripen he vahi wey is anak din, su kenà egkehimu he ebpekaambit is anak te uripen te egkepenunud te anak ku he si Isaac.”

Erubasa 2:16

Pinaaǥi te ketau, ebpekelikey ka wey ka kenà metintal emun edtintalen ka te vahi he edsalàsalà pinaaǥi te menge lalag he ebpeketintal.

Erubasa 5:20

Mama, kenè nu iyan isipa is bahi he mengungumpadi. Kenè nu iyan egkesuati is esawa te sengememaama.

Erubasa 5:3

Is lalag te vahi he mengungumpadi meemis pa te teneb, ne is kegkaǥi zin ebpekevihag iring te idhamham he lana te ulibu.

Deuteronomio 23:2

“Is etew he ingkeǥingey zà ne kenà egkehimu he edtampu te upakat he para te Nengazen ragkes en is menge kevuwazan din taman te ikesepulù he lapis.

Zatù 11:1

Si Jefta he tig-Gilead sevaha he utew metau he sundaru. Is amey zin iyan si Gilead ne is iney zin sevaha he vahi he mezaat is dengeg.

Zatù 11:3

Umbe, mid-awà si Jefta ziyà te kandan ne ziyà med-ubpà te Tob. Ne miduma kandin dutun is senge grupu te menge buguy.