Zatù 1:9 - Manobo Western Bukidnon OT

⁹ Ne kegkepasad dutun, midsurung dan is menge Canaanhen he meǥinged diyà te menge vuvungan, diyà te Negev, wey is diyà te lugtenaan te menge vuvungan diyà te edsenlepan.

Zatù 1:9 ပူးပေါင်းရင်းမြစ်များ

Genesis 12:9

Ne zutun migenat en maan ensi Abram ne midlaus dan pa pehendiyà te tanà he egngezanan te Negev.

Josue 10:36

Ne midtekezeg si Josue wey is menge Israilihanen diyà te Hebron ne midlusuzan dan heini.

Josue 11:21

Dutun daan he timpu, midsurung ni Josue is menge kevuwazan ni Anak he meǥinged diyà te menge vuvungan te Hebron, Debir, Anab, wey is diyà te langun he menge vuntud he nesakup guntaan te Juda wey Israel. Midèdeetan ni Josue sikandan is langun ragkes is menge inged dan.

Zatù 1:10

Midsurung dan daan is menge Canaanhen he meǥinged diyà te Hebron (he iyan nehuna he ngazan din is Kiriat Arba), ne midhimetayan dan si Sheshai, si Ahiman, wey si Talmai.

Zatù 1:8

Midsurung te menge kevuwazan ni Juda is Jerusalem ne naaǥew zan heini. Migerè dan is menge meǥinged dutun ne mibinsulan dan haazà is inged.